Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
16.01.2017

ЁШЛАР ВАТАНПАРВАРЛИК РУҲИДА ТАРБИЯЛАНМОҚДА

Тошкент маданият коллежида Қуролли Кучларимиз ташкил этилганининг 25 йиллигига бағишлаб «Ўзбекистон — мустақил Ватанимиз, миллий армиямиз фахру ғуруримиз!» мавзуида тадбир бўлиб ўтди.

Тошкент маданият коллежи директори А.Умурзоқов, Олмазор тумани мудофаа бўлими бошлиғи А.Сайфиддинов ва ­бошқалар Ўзбекистон Республикаси Президентининг 2016 йил 20 декабрдаги Ватан ҳимоячилари куни ва Ўзбекистон Республикаси Қуролли Кучлари ташкил этилганининг 25 йиллиги байрамига тайёргарлик кўриш ва уни ўтказиш тўғрисидаги фармойишида ёшларни мамлакатимиз мудофаа салоҳиятини янада ошириш борасида сўнгги йилларда амалга оширилаётган ислоҳотлар билан яқиндан таништириш ҳамда уларни она Ватанга муҳаббат ва ватанпарварлик руҳида тарбиялашга доир муҳим вазифалар белгилаб берилганини таъкидлади.

Тадбир доирасида ёшлар ўртасида спортнинг арқон тортишиш, эстафета, граната улоқтириш, югуриш, турникда тортилиш машқларини ўз ичига олган амалий беллашувлар ташкил қилинди.

— Ёшлар — давлатимиз ва жамиятимиз келажаги, — дейди Ўзбекистон Республикаси ­Мудофаа вазирлиги ҳарбий қисм взвод командири Жасур Омонов. — Бугунги тадбирдан кўзланган мақсад навқирон авлодни ҳарбий-ватанпарварлик руҳида тарбиялаш, ёшларда юксак ватанпарварлик, эл-юртга содиқлик, фуқаролик бурчини, муҳим конституциявий мажбу­риятларни бажаришга тайёрлик туйғусини шакллантиришга кўмаклашишдан иборат.

Тадбирда янграган Ватанни мадҳ этувчи шеърлар, куй-қўшиқлар иштирокчиларга байрамона кайфият бағишлади.

 

Ш.МАМАТУРОПОВА,

ЎзА мухбири.



DB query error.
Please try later.