Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
12.01.2017

САМИМИЙ МУЛОҚОТ БАРЧАГА МАНЗУР БЎЛДИ

Аҳолининг кам таъминланган, ёрдамга муҳтож қатламини ижтимоий муҳофаза қилиш, ҳуқуқ ва манфаатларини таъминлаш Ўзбекистон ХДП Сайловолди дастурининг устувор йўналишларидан ҳисобланади. Партиянинг Тошкент вилоят кенгаши бу борада турли ташаббусларни амалга оширишда фаол қатнашмоқда.

Оҳангарон туманида ташкил этилган «Ҳеч ким меҳр ва эътибордан четда қолмайди» акцияси ана шундай тадбирлардан бири бўлди. Ҳамкор ташкилотлар, ҳомийлар, олимлар, санъаткорлар иштирокида ўтган учрашув электорат вакилларининг кўнглини кўтариш, уларни ҳар томонлама рағбатлантириш, шу билан бирга, маънавий дам олиш тадбирига айланиб кетди.

Тадбирда Ўзбекистон Республикаси Бош вазири ўринбосари, Республика Хотин-қизлар қўмитаси раиси Танзила Норбоева мамлакатимизда аҳолининг турмуш даражасини юксалтириш, бандликни таъминлаш, тиббий хизмат сифати ва самарадорлигини ошириш борасида амалга оширилаётган кенг кўламли ишлар, бу борада қабул қилинаётган Президент фармон ва қарорларининг аҳамияти ҳақида сўз юритди.

Ўзбекистон Миллий телерадиокомпания­си сиёсий шарҳловчиси Қобилбек Каримбеков, Ўзбекистон халқ артисти Малика Иброҳимова, «Сардорком» МЧЖ таъсисчиси, партиямиз фаоли Абдуносир Қосимов ва бош­қалар инсон манфаатларини таъминлаш, одамлар билан самимий мулоқот қилиш, уларнинг дарду ташвишларига шерик бўлиш, ҳаётий муаммоларини эшитиш ва ҳал этиш ҳар биримизга катта масъулият юклашини таъкидлашди.

— Сиёсатчилар, олимлар, санъаткорлар иштирокидаги самимий учрашув барчамизга манзур бўлди, — дейди меҳнат фахрийси Салтанат Шадарова. Бундай тадбирлар кўпаяверсин. Халқимизга хос бўлган меҳр-оқибат, саховатпешалик фазилатлари ҳеч биримизни тарк этмасин.

Тадбир давомида ҳомий ташкилотлар томонидан ногиронлар ва эҳтиёжманд оилаларга совғалар тарқатилди.

 

Шерали ҚУТЛИМУРОДОВ



DB query error.
Please try later.