12.01.2017

НАМАНГАНДА АКАДЕМИК МАҲМУД САЛОҲИДДИНОВ МАТЕМАТИКА МАКТАБИ ТАШКИЛ ЭТИЛДИ

Наманган вилоят ҳокимлиги, халқ таълими бошқармаси Ўзбекистонда математика фанининг «Дифференциал тенгламалар» йўналиши асосчиси, академик Маҳмуд Салоҳиддинов билан ҳамкорликда эзгу ишга қўл уришди.

Маҳмуд Салоҳиддинов Наманган шаҳридаги 4- мактабни битириб, ҳо­зирги ЎзМУнинг математика факультетида таҳсил олган. Шундан сўнг у изланишларини дунё миқёсидаги илмий марказлардан бири бўл­ган Новосибирскдаги Математика институтида давом эттириб, А.Бицадзе раҳбарлигида физика-математика фанлари номзоди, кейинчалик доктори илмий даражаларига эга бўлган.

Маҳмуд Салоҳиддинов илмий педагогик фао­лиятининг катта қисми ЎзМУ ва ЎзРФА Математика институти билан чамбарчас боғлиқ. У Олий ва ўрта махсус таълим вазири, Фанлар Академия­си Президенти каби ўта масъулиятли вазифаларда фаолият кўрсатган.

Математика соҳасида илмий мактаб яратган академик Ўзбекистон Республикаси фан арбоби ва бир қатор орден-медаллар билан тақдирланган.

– Устоз оқиб турган дарё, – дейди НамДУ амалий математика кафедраси мудири, физика-математика фанлари доктори, профессор Маҳмуджон Бадалов. – У киши жуда катта илмий салоҳиятга эга. Мазкур мактабнинг очилиши машҳур олим билан ёшларнинг бевосита мулоқот қилишига имконият беради. Домла ўзлари туғилиб ўсган юрт, таълим олган мактабларида ўқувчи-ёшлар билан машғулотлар олиб боради. Бу нафақат фарзандларимиз учун, балки биз, шогирд­лар учун ҳам жуда зарурдир.

 

Носиржон ДЕҲҚОНОВ,

«Ўзбекистон овози» мухбири.



DB query error.
Please try later.