10.01.2017

ОДАМЛАР МАНФААТИГА ХИЗМАТ ҚИЛМОҚДА

Сурхондарё вилоятининг Денов туманида «Соғлом она ва бола» йили Давлат дастури асосида 21 йирик лойиҳа амалга оширилди.

Умумий қиймати 19 миллиард 773 миллион сўм бўлган иншоотларнинг 16 таси таълим ва тиббиёт муассасалари бўлса, 5 таси ичимлик суви мажмуаларидир.

 — Ўтган йили 60 ўринли юқумли касалликлар бўлими, эркаклар мурувват уйининг 200 ўринга мўлжалланган ётоқхонаси, сил касалликлари диспансери каби қатор муассасалар ишга тушди, — дейди Денов туман тиббиёт бирлашмаси бош шифокори Холмурод Райимов. — Янги йил арафасида бирлашманинг эндо­кринология, асаб тизими, юрак-қон-томир ва болалар бўлимлари капитал реконструкция қилиниб, фойдаланишга топширилди. Лойиҳа қиймати 4 миллиард 183 миллион сўм бўлган 330 ўринли кўркам иншоотларни қуришда «Бойсун Бунёдкор» хусусий корхонаси қурувчилари шижоат кўрсатишди.

 — Бугун 35 қишлоқ врачлик пункти, 5 поликлиника, 9 шифохона ва бошқа тиббиёт муассасаларини кўрган кишининг ҳаваси келади, — дейди ЎзХДП Денов туман кенгаши раиси Ҳасан Мирзаев. — Соғ­лом она ва бола йилида капитал реконструкция қилинган мазкур бинолар ҳам бетакрор кўриниш касб этди. Ушбу иншоотлар жаҳон талабларига жавоб берадиган тиббиёт ускуналари ва мебеллар билан жиҳозланди. Бундай янгиланишлар аҳоли бандлигини таъминлашда ҳам муҳим ўрин тутади.

 

Абдумалик ҲАЙДАРОВ,

«Ўзбекистон овози» мухбири.



DB query error.
Please try later.