05.01.2017

ҲАМИША ҲУШЁР

Бухоро нефтни қайта ишлаш корхонасида Ёнғин хавфсизлиги кунлари доирасида кўплаб ишлар амалга оширилмоқда. Жумладан, цех сиғимлари ёнғин хавфсизлиги талаблари асосида жиҳозлар билан таъминланди. Ҳар бир участкада Ёнғин хавфсизлиги кунларига бағишланган кўргазмали панно, эслатма ва деворий газета ташкил қилинди.

Бухоро нефтни қайта ишлаш заводи мамлакатимизнинг нефть маҳсулотларига бўлган эҳтиёжини қондириш йўлида сифатли маҳсулотлар етказиб бермоқда.

Ишлаб чиқариш қуввати жиҳатидан Марказий Осиёда ягона бўлган бу корхона республикамиз ички бозорини нефть маҳсулотлари билан таъминлабгина қолмай, таш­қи бозорга ҳам ёнилғи етказиб бериш имкониятига эга. Заводда асосан нефть ва газ конденсати қайта ишланиб, истеъмолчиларга етказиб берилмоқда.

Корхонада республика миқёсида семинар ўтказилиб, унда ишчи-ходимлар иштирокида амалий тактик ўқув машғулот ташкил этилди. Жамоанинг жанговар тайёргарлиги семинар қатнашчилари томонидан юқори баҳоланди.

Заводимизнинг асосий ишлаб чиқариш тармоқларидан бири ҳисобланган 1-цехимиз юқори даражадаги ёнғин хавфи кутиладиган объектдир. Бу ерда бир кеча-кундузда минг тонналаб углеводород хомашёси қайта ишланади. Шунинг учун биз ҳар доим ёнғинга қарши чора-тадбирларни кўриб борамиз. Шу мақсадда 2-ҳарбийлаштирилган ёнғин хавфсизлиги отряди ходимлари томонидан доимий равишда амалий тактик ўқув машғулотлари ўтказилиб борилади.

 

Нуриддин МУХТОРОВ,

«Бухоро нефтни қайта ишлаш заводи» унитар корхонаси цех бошлиғи.



DB query error.
Please try later.