01.01.2017

МУҲИМ СПОРТ ВОҚЕАЛАРИ

2016 йилнинг май ойида Фарғона шаҳрида мамлакатимиз олий таълим муассасалари талабаларининг Универсиадаси ўтказилди.

Унда Тошкент шаҳри, Қорақалпоғистон Республикаси ва барча вилоятлардан ташриф буюрган ўн тўрт терма жамоа спортнинг ўн беш тури бўйича ғолиблик учун майдонга тушди. «Универсиада — 2016» мусобақалари шаҳар ва вилоят саралаш босқичларида 165 мингдан зиёд талаба-спортчи қатнашди. Улар орасидан сараланган 900 нафардан зиёд йигит-қиз спорт фестивалида маҳоратларини намойиш қилди.

Тошкент шаҳри, Фарғона ҳамда Самарқанд вилоятлари терма жамоалари энг яхши натижаларга эришди.

 

* * *

2016 йилнинг 5 — 21 август кунлари Бразилиянинг Рио-де-Жанейро шаҳрида XXXI ёзги Олимпия ўйинлари бўлиб ўтди. Унда ер куррасининг 206 давлатидан ўн бир минг нафардан зиёд спортчи қатнашди.

Мамлакатимизнинг етмиш нафар вакили ўн уч спорт тури бўйича жами 13 (4 олтин, 2 кумуш ва 7 бронза) медални қўлга киритиб, умумжамоа ҳисобида йигирма биринчи ўринни эгаллади.

 

* * *

2016 йилнинг 7 — 18 сентябрь кунлари Бразилиянинг Рио-де-Жанейро шаҳрида ўтган XV ёзги ­Паралимпия ўйинларида дунёнинг 176 мамлакатидан тўрт минг нафардан ортиқ спортчи майдонга тушди.

Мамлакатимизнинг 32 нафар спортчиси жами 31 (8 олтин, 6 кумуш ва 17 бронза) медалга сазовор бўлиб, умумжамоа ҳисобида ўн олтинчи, Осиё мамлакатлари орасида учинчи, Марказий Осиё давлатлари ўртасида эса биринчи ўринни эгаллади.



DB query error.
Please try later.