Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
01.01.2017

ТЕАТРЛАШТИРИЛГАН ЯНГИ ЙИЛ ТОМОШАЛАРИ – БОЛАЖОНЛАРГА

Байрам томошалари 28 декабрдан бошланди, 2017 йилнинг 8 январигача давом этади.

Ҳар йили янги йилни янги орзу-умидлар, яхши ниятлар билан кутиб оламиз. Айниқса, турли рангдаги ўйинчоқлар билан безатилган улкан арча атрофида Қорбобо ва Қорқиз ҳамда эртак қаҳрамонлари томонидан намойиш этилаётган театр­лаштирилган томошаларга ошиқаётган болажонларнинг қувончи чексиз бўлади. Хўш, бу йилги янги йил шодиёналари ўтган йиллардагидан нимаси билан фарқ қилади? Бу саволга Маданият ва спорт ишлари вазирлиги театрлар ва томоша муассасалари ишлари бошқармаси бошлиғи ўринбосари Озод Йўлдошев шундай жавоб берди:

— Ўтган йиллари янги йил арчаси пойтахтимизнинг 2-3 марказий майдонларида ўрнатилган бўлса, бу йил 9 жойда ташкил этилди. Айниқса, Лабзак мавзесида янгидан барпо қилинган «Локомотив-Анҳор» маданият ва истироҳат боғи ёнидаги майдон болажонларнинг севимли сайилгоҳига айланди.

Мактаб ўқувчиларининг қишки таътили даврида мамлакатимизнинг барча истироҳат боғлари, марказий майдонлар, спорт саройларида, вилоятлар, шаҳар ва туманлар марказларида ўтказилаётган янги йил байрамларининг барчасига бадиий жамоалар, ижодий бирлашмалар жалб этилган.

Меҳрибонлик уйлари, болалар шифохоналари, SOS болалар маҳалласи ва бошқа жойларда ҳам болажонларни хурсанд қилиш мақсадида хайрия томошалари ташкил қилинди. Янги йил арчаси, театрлаштирилган томошалар, Қорбобо ва Қорқизнинг сов­ғалари болалар қувончига қувонч қўшмоқда. Томоша охирида актёрлар шоуси ўтказилиб, эртак қаҳрамонлари болалар билан бирга рақсга тушадилар.

Тошкент давлат цирки майдонида ташкил этилган Янги йил тадбирларини катта-кичик завқ билан томоша қилишади. Қорбобо ва Қорқиз, эртак қаҳрамонлари болаларни саҳнага чорлаб, улар билан қизиқарли ўйинлар ўтказади.

Республика қўғирчоқ театрида 24 декабрдан бошлаб янги йилнинг 9 январигача кичкинтойлар учун ҳар куни икки маҳал «Қор маликаси» спектакли ўзбек ва рус тилларида намойиш этиб борилади. Бу томошалар театрга кириш жойида бошланиб, болажонларни эртак қаҳрамонлари, Қорбобо ва Қорқиз кутиб олади. Болалар улар билан ўйинга тушишади, шеър айтишади, кейин ­томоша залига кўтариладилар.

— Бизда янги йил тадбирлари 21 декабр­дан бошланиб, 8 январгача давом этади, — дейди Республика ёш томошабинлар театрининг адабий эмакдоши Тимур ­Мустафин. — «Зумрад шаҳри сеҳргари» эртагини янгидан саҳналаштирдик. Эртак давомида видео экрандан ҳам фойдаланамиз.

 

Нуруллоҳ ДОСТОН

ёзиб олди.



DB query error.
Please try later.