Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
01.01.2017

ХАЛҚ ХИЗМАТИДА БЎЛИШ – ОЛИЙ БАХТ

Комила КАРОМОВА, Олий Мажлис Қонунчилик палатаси депутати, Ўзбекистон ХДП фракцияси аъзоси:

— Катта орзу-умидлар, эзгу мақсадлар билан Янги йилга қадам қўйдик. 2017 йилнинг «Халқ билан мулоқот ва инсон манфаатлари йили» деб эълон қилиниши одамларнинг келажакка умиди ва ишончини янада мустаҳкамлади.

Президентимиз «Халқ давлат идораларига эмас, давлат идоралари халқимизга хизмат қилиши керак», дея қатъий таъкидлагани ёшу-қарини бирдек руҳлантирди, фуқароларимиз кўнгли кўтарилиб, ҳаётга бошқача қарай бошлади.

Куни кеча жисмоний ва юридик шахсларнинг мурожаатлари билан ишлашнинг сифат жиҳатидан янги тизимини жорий этиш мақсадида Президентимизнинг «Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида»ги Фармони қабул қилинди.

Ушбу Фармон юртимизда инсон манфаатларини таъминлаш, ҳуқуқ ва эркинликларини ҳимоя қилиш олий қадрият эканлигини яна бир исботлади. Фармонда Ўзбекистон Республикаси Президенти девони ишлар бошқармасининг негизида Ўзбекистон Республикаси Президентининг Халқ қабулхонасини, ҳудудларда Ўзбекистон Республикаси Президентининг Халқ қабулхоналарини ташкил этиш бўйича аниқ вазифалар белгиланган. Шунингдек, Ўзбекистон Республикаси Президентининг виртуал қабулхонаси тузилиши қайд этилган. Буларнинг барчаси аҳоли билан тўғридан-тўғри мулоқотни ташкил этиш, жисмоний ва юридик шахсларнинг ҳуқуқ ва эркинликлари ҳамда қонуний манфаатларини тўлақонли ҳимоя этишга, уларнинг мурожаатлари билан ишлашнинг сифат жиҳатидан янги ва самарали тизимини яратишга хизмат қилади.

Дарҳақиқат, раҳбар қанчалик одамларга яқин бўлса, уларнинг дарди ташвиши билан яшаса, оғирини енгил қилишга интилса, у халқпарвар етакчи деган улуғ мартабага сазовор бўлади.

Бугун халқимизнинг ҳуқуқий маданияти, дунёқараши, фикрлаши тубдан ўз­гарган. Одамларимиз ўз ҳу­қуқлари, эркинликларини яхши анг­лайди. Буни давлат органларига бўлаётган мурожаатлардан ҳам кў­риш мумкин. Ҳар бир мурожаатнинг ортида эса инсон тақдири, унинг ­муаммоси, дарди ётади.

Фармонни ўқиб, депутат сифатида бизнинг зиммамизда ҳам катта вазифалар турганини ҳис этдим. Бу сайловчилар ишончини қозониш, уларнинг иссиқ-совуғидан ҳамиша хабардор бўлишдан иборат, десам тўғри бўлади. Ҳеч бир депутат сайловчилар билан шунчаки мулоқот ўтказмаслиги керак. Аксинча, учрашувдан кейин аниқ натижа учун ишлашимиз, сайловчининг мурожаатини, муаммосини ҳал этиш устида изланишимиз, интилишимиз, курашишимиз керак.

Сайловчилар биздан, сиёсий партиялар ва парламентдан нимани кутаётгани, қандай қонунларга эҳтиёж борлиги айнан улар билан бевосита мулоқотларда намоён бўлади.

Халқимиз ҳамиша ўз ҳуқуқ ва эркинликлари ҳимоясини давлатга ишонади. Энг қийин вақтда нажотни парламентдаги вакилидан, раҳбардан кутади, керак бўлса, талаб ҳам қилади. Биз ана шу юксак талабларга жавоб беришимиз, бунинг учун масъулият ва ташаббускорлик, виждонан ва ватанпарварлик билан хизмат қилишимиз зарур.


Фикр ва мулохазалар

Защита от автоматических сообщений

Сўнгги янгиликлар: