29.12.2016

САЙТ ТАҚДИМОТИ БЎЛИБ ЎТДИ

Олий Мажлиснинг Инсон ҳуқуқлари бўйича вакили(Омбудсман)нинг янгиланган расмий веб сайти, виртуал қабулхонаси ҳамда ишонч телефони тақдимоти бўлиб ўтди.

Тадбирда давлат ва жамоат ташкилотларининг матбуот хизматлари вакиллари, инсон ҳуқуқлари бўйича миллий институтлар мутахассислари ҳамда оммавий ахборот воситалари ходимлари иштирок этди.

Тақдимотда таъкидланганидек, ахборот технологиялари ривожланиши давлат идоралари фаолиятининг очиқлигини таъминлаш, эркин маълумот олиш имкониятларини кенгайтирди. Шуни инобатга олган ҳолда, Омбудсманнинг электрон сайти (www.ombudsman.uz) замонавий талабларга мос равишда қайтадан яратилди. Унда Омбудсман фаолияти ҳақидаги барча маълумотлар мавжуд. Сайт орқали инсон ҳуқуқ ва эркинликлари тўғрисида тавсиялар бериш, саволларга жавоблар олиш мумкин. Обудсманнинг виртуал қабулхонасига эса Ўзбекистон Республикаси фуқаролари, фуқаролиги бўлмаган шахслар ва мамлакатимизда яшаб турган хориж фуқаролари мурожаат қилишлари мумкин. Бунинг учун рўйхатдан ўтиш талаб этилмайди.

Сайтга келиб тушаётган мурожаатлар асосида фуқароларни ўйлантираётган турли масалаларга чуқурроқ ёндашиш, уларни атрофлича ўрганиш ҳамда қонун лойиҳаларини ишлаб чиқишда ҳисобга олиш имкони ортади.

Сайт маълумотлари ўзбек, рус ва инглиз тилларида ҳамда кўриш қобилияти суст инсонлар учун махсус кўринишларда жойлаштирилади.

 

Гулчеҳра ҚЎЛДОШЕВА



DB query error.
Please try later.