Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
29.12.2016

СОҒЛОМ ОНА ВА БОЛА

энг олий бахтимиздир

Янги йил арафасида барчамиз орт­га назар ташлаб, ишларимизни сарҳисоб қиламиз. Келгуси йилга янги режалар тузамиз. Ўзбекис­тон Халқ демократик партияси Тошкент шаҳар кенгаши Олмазор туман партия кенгаши билан ҳамкорликда ўтказган тадбир ҳам якунланаётган «Соғ­лом она ва бола йили» сарҳисоби, «Халқ билан мулоқот ва инсон манфаатлари йили»да амалга ошириладиган вазифаларга бағишланди.

Олмазор туманидаги 2-шаҳар туғуруқ комплексида ўтказилган давра суҳбатида санъаткорлар, шифокор ва ҳамширалар, партия фаол­лари, электорат вакиллари иштирок этди.

Тадбирда оналар ва болалар саломатлиги йўлида амалга оширилаётган ишлар, партиянинг бу борадаги ташаббуслари хусусида сўз юритилди. Оналик ва болаликни муҳофаза қилишга қаратилган эзгу ишлар натижасида ке­йинги беш йил ичида юртимизда оналар ва болалар ўлими камайди.

— Таъкидлаш жоизки, ҳар жиҳатдан соғлом, баркамол авлодни вояга етказиш ғояси партиямиз дастурий мақсадларига ҳамоҳангдир, — дейди ЎзХДП Олмазор туман кенгаши раиси Камолиддин Акромов. — Партиямиз ташкилотлари аҳоли саломатлигини муҳофаза қилиш, оналар ва болаларга тиббий хизмат кўрсатиш сифатини яхшилаш бўйича қатор ишларни амалга ошириб келмоқда. Маълумки, партиямиз ташаббуси билан жойларда тиббий кўрик акциялари ҳамда «Соғ­лом она — соғлом бола» лойиҳаси доирасида қатор тадбирлар ташкил этиляпти. Уларда оналар ва болалар саломатлигини асраш, оилада соғлом турмуш тарзини қарор топтириш масалаларига эътибор қаратилмоқда. Назаримда, келгуси йилда бу лойиҳаларни янада такомиллаштириш, мазкур йўналишдаги ташаббусларни кўпайтириш, уларнинг самарадорлигини ошириш бўйича жиддий ўйлаб кўришимиз лозим.

Фикр-мулоҳазалардан сўнг Ўзбекис­тон халқ артисти Гавҳар Зокирова, Муқимий номидаги ўзбек давлат мусиқали драма театри актрисаси Муқаддас Мамадалиева эл хизматидаги шифокор ва ҳамшираларни Янги йил билан қутлаб, эзгу тилаклар билдиришди.

Фаол ходимларга партиянинг фахрий ёрлиқ ҳамда эсдалик совғалари топширилди.

 

Гулруҳ ОДАШБОЕВА,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: