24.12.2016

КЎРГАЗМАЛИ СЕМИНАР

«Ёнғин хавфсизлиги кунлари» доирасида Бухоро нефтни қайта ишлаш заводида кенг қамровли тадбирлар ўтказилмоқда. Жумладан, заводнинг ёнғинга қарши ҳолатини яхшилаш, энерго ресурслардан хавфсиз ва оқилона фойдаланиш масалаларига алоҳида эътибор қаратилмоқда.

Мазкур корхонада яқинда бўлиб ўтган семинар ёнғинларнинг олдини олиш ва бу борада ишчи-хизматчиларнинг тайёргарлиги масалаларига бағишланди. Дастлаб тадбир қатнашчиларига ишлаб чиқариш билан боғлиқ бахтсиз ҳодиса ва шикастланишларнинг олдини олиш юзасидан тегишли тушунчалар берилди. Айниқса, ёнғин хавфсизлигини таъминлаш борасида тайёрланган видеолавҳа қатнашчиларда катта таассурот қолдирди.

Бундан ташқари, заводнинг асосий ишлаб чиқариш цехига қарашли 32-технологик қурилмасида кўргазмали ёнғин ўчириш амалий тактик машғулоти ўтказилди. Унда подполковник А.Турдиевнинг ёнғин ўчириш воситаларини бошқариш ҳамда ёнғин ўчириш амалий тактик машғулотлар ечими бўйича кўргазмали чиқиши иштирокчиларда яхши таассурот қолдирди.

 

Абдураҳмон РАШИДОВ,

Бухоро нефтни қайта ишлаш заводи УК ходимлар бўйича муҳандиси.



DB query error.
Please try later.