Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
20.12.2016

МЕҲНАТ МУҲОФАЗАСИГА БАҒИШЛАНДИ

Сирдарёда «Меҳнат соҳасидаги муҳим аҳамиятга молик масалалар» мавзусида давра суҳбати ўтказилди.

Вилоят касаба уюшмалари ташкилотлари бирлашмаси томонидан ташкил этилган тадбирда вилоят адлия, молия, халқ таълими, соғлиқни сақлаш бошқармалари, Ўзбекистон Савдо-саноат палатаси вилоят ҳудудий бошқармаси, вилоят хотин-қизлар қўмитаси, «Маҳалла» хайрия жамоат фонди вилоят бўлими, ­«Камолот» ёшлар ижтимоий ҳаракати вилоят кенгаши ва бошқа ташкилотлар масъул ходимлари иштирок этди.

Ишчи-ходимларнинг меҳнат ҳуқуқини муҳофаза қилишда Сирдарё вилояти ҳокимлиги, вилоят касаба уюшмалари ташкилотлари бирлашмаси кенгаши ва Ўзбекистон Савдо-саноат палатаси вилоят ҳудудий бошқармаси ўртасида ижтимоий-иқтисодий масалаларга оид 2014-2016 йиллар учун имзоланган келишув алоҳида аҳамият касб этмоқда.

Мазкур ҳужжат ўз навбатида жойлардаги ҳудудий келишувлар ҳамда энг қуйи бўғинда амалда қўлланилаётган жамоа шартномалари мазмун-моҳиятини ўзгартириш, бойитиш ҳамда меҳнаткашларнинг ижтимоий-иқтисодий манфаатлари ҳимоя­сини кучайтириш имконини бермоқда. Ижтимоий йўналтирилган Давлат дас­турларини ҳаётга татбиқ этиш, жамоа шартномалари орқали кам таъминланган ва кўп болали оилаларни моддий ва маънавий қўллаб-қувватлаш, корхона, ташкилот ва муассасаларда меҳнат қонунчилигига риоя этилиши устидан жамоат назоратини кучайтириш каби йўналишларда тизимли ишлар йўлга қўйилган.

Тадбирда «Иш билан таъминлаш, иш ҳақи ва меҳнат муҳофазаси масалаларида ижтимоий ҳимояни янада кучайтириш йўллари», «Ижтимоий соҳани ривожлантириш, иш ҳақи ва ижтимоий нафақаларнинг ўз вақтида тўланишини таъминлаш борасида банк тизими олдида турган вазифалар», «Ижтимоий соҳани молиялаштириш масалалари» каби мавзуларда маърузалар тингланди.

 

А.ҚАЮМОВ,

ЎзА мухбири.


Фикр ва мулохазалар

Защита от автоматических сообщений

Сўнгги янгиликлар: