Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
17.12.2016

БАМИЯНИ БИЛАСИЗМИ?

Олтинкўл туманининг Кўмакай қиш­лоғида истиқомат қилувчи Мансурбек Каримов Андижон вилоятида ўтказилган мева-сабзавот ярмаркасида ўзи етиштирган бамияни намойиш этди.

Хўш, бамия қандай неъмат ўзи?

Бамия бир йиллик сабзавот бўлиб, Америка, Шимолий Америка ва Ҳиндистонда ўстирилади. Кейинроқ ­Европага кириб келган. Айни пайтда Украинада ҳам етиш­тирилмоқда.

 Бамия асосан иссиқхоналарда ўстирилади. Бўйи 40 сантиметрдан икки метргача етиши мумкин.

— Бамиянинг ўзига хос хусусиятлари ҳақида эшитиб, қизиқиб қолдим, — дейди Мансурбек. — Агротехникасини ўрганиб, август ойида 16 сотих иссиқхонага уруғини экдик. Кўриб турганингиздек, ҳосил тугунчалари кўпайди.

Бақлажонга ўхшаш ям-яшил баргли экин тупларининг ҳар бирида 5-8 тагача мева етиляпти.

Мутахассисларнинг фикр-мулоҳазаларига қараганда, бамия витаминларга бой, пар­ҳез таом истеъмол қилувчиларга манзур бўларли егулик. Қандли диабет, ангина, астма, атеросклероз, ошқозон-ичак хасталикларидан халос бўлишда асқотади. Организмда қанд миқдорини меъёрлаштириш хусусиятига эга.

Шифокорлар бамияни аёллар ҳомиладорлигининг дастлабки пайтларида тавсия этишади.

Тажрибали деҳқонлар ушбу сабзавотни август-­ноябрь ойларида харид қилган маъқуллигини айтишмоқда. Уй шароитида қоғоз пакетга ўраб, уч кунгача музлатгичда сақлаш мақсадга мувофиқдир.

— Ҳосил етилди, харидорларни топишим керак, — дейди Мансурбек. — Келгусида бамияни экспорт қилиш ниятидаман.

Мансурбек бошлаган эзгу ҳаракатга бошқа деҳқонлар ҳам бош қўшса, албатта юрт­дошларимиз дастурхонида доривор неъмат сероб бўлади.

 

Аҳмадилло СОЛИЕВ,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: