Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
17.12.2016

ЭКСПОРТ САЛОҲИЯТИ ЯНАДА ЮКСАЛАДИ

Термиз шаҳрида ўтказилган семинар Вазирлар Маҳкамасининг 2016 йил 9 ноябрдаги «Сурхондарё вилоятида деҳқон хўжаликларининг имкониятларидан самарали фойдаланишга доир қўшимча чора-тадбирлар тўғрисида»ги Қарори ижросини таъминлашга бағишланди.

Тадбирда Кичик бизнес ва хусусий тадбиркорлик субъектлари экспортини қўллаб-қувватлаш жамғармаси, «Ўзагроэкспорт» акциядорлик жамияти ҳамда «Ўзмиллийбанк» кўмагида Сурхондарёда 15 агрофирма ташкил қилингани таъкидланди.

 Шунингдек, мева-сабзавотчилик соҳасини янада ривожлантириш, қишлоқ хў­жалиги маҳсулотларини сақлаш ва қайта ишлаш бў­йича 48,7 миллион долларни ташкил қиладиган 45 лойиҳа тайёрланиб, уларни молиялаштириш ишлари олиб борилаётгани эътироф қилинди.

 Кичик бизнес ва хусусий тадбиркорлик субъектлари экспортини қўллаб-қувватлаш жамғармасининг таъсисчилигида 64 агрофирма ташкил қилинган ва улар ­томонидан 692 ­миллион ­долларлик экспорт шарт­номалари тузилган. Ман­фаатли ҳамкорлик ­туфайли ­агрофирмалар томонидан Россия, Қозоғистон, Корея Республикаси, Хитой ва ­бошқа мамлакатларга 41,6 миллион дол­ларлик қишлоқ хўжалик маҳсулотлари ­экспорт қи­линди.

Мазкур жамғарма агрофирмалар, қишлоқ хўжалик маҳсулотлари ишлаб чиқаришга ихтисослашган корхоналар, фермер ва деҳқон хўжаликлари «Ўзмил­лий­банк»­дан имтиёзли равишда 299 миллиард сўм кредит олишига кўмаклашди.

Хуллас, якунланаётган йилда жамғарма томонидан 625 та қишлоқ хўжалиги соҳасида банд фермер хўжаликлари ва тадбиркорлик субъектларига маҳсулот экс­порт қилишда ташкилий, ҳуқуқий ва турли молиявий хизматлар кўрсатилиб, 227 тадбиркорлик субъектлари томонидан 457,2 миллион долларлик қишлоқ хўжалик маҳсулотлари экспорт қи­линган.

Семинарда бу борадаги ишларни янада ривожлантириш бўйича тав­сия­лар билдирилди. Зеро, экспорт салоҳиятининг юксалиши мамлакат тараққиёти ва аҳоли бандлигини таъминлашга хизмат қилади.

 

Абдумалик ҲАЙДАРОВ,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: