Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
10.12.2016

СИЗ БИЛАН ДОИМ БИРГАМИЗ

Ўзбекистон ХДП Тошкент шаҳар кенгаши Ўзбекистон ногиронлар жамияти билан ҳамкорликда маънавий-маърифий тадбир ўтказди.

«Мен жамиятнинг тўлақонли аъзосиман» мавзусида бўлиб ўтган учрашувда меҳр-мурувват, одамийлик, оқибат ҳамда ўзаро ҳурмат-эътибор каби эзгу фазилатлар хал­қимизнинг азалий қадриятлари сифатида қадрланиши таъкидланди. Жисмоний имконияти чекланган инсонларга юртимизда яратилган шароитлар, уларни ўқитиш, касб-ҳунар ўргатиш борасида олиб борилаётган изчил ислоҳотлар ҳақида фикр юритилди.

— Партиямиз Сайловолди дастурида ногиронларни ижтимоий муҳофаза қилиш, меҳнат билан банд бўлишига кўмаклашиш, улар учун ихтисослашган корхоналарни ташкил этишнинг аниқ механизмларини ишлаб чиқиш масаласига алоҳида эътибор қаратилган, — деди Тошкент шаҳар партия кенгаши раиси ўринбосари Нилуфар Юлдашева. — Шу боис партиямиз фаоллари ҳамда депутатлар жисмоний имконияти чекланган кишилар бандлигини таъминлаш, уларнинг манфаатларини ҳимоя қилиш бўйича қатор ташаббуслар билан чиқмоқда. Биз улар билан доим биргамиз.

— Мамлакатимизда ҳамма ўз хоҳиш-истакларини амалга ошириши, иқтидорини рўёбга чиқариши учун кенг имконият бор, — деди Ўзбекистон ХДП фаоли Дилшод Шорустамов. — Жисмоний имконияти чекланган инсонлар ҳам қатор ютуқларга эришяпти. Турли мусобақалар, танловларда фаол иштирок этиб, юксак марраларни забт этмоқда. Бизга яратилган шароитлардан мамнунмиз.

Мен ҳам жамиятнинг тўлақонли аъзоси сифатида Ватаним равнақи, жамият тараққиётига ҳисса қўшиш, унинг осойишталиги йўлида хизмат қилиш истаги билан яшайман. Маҳалламиз фаоллари ёрдамида ўз тадбиркорлик ишимни очганман. Келгусида фаолиятимни янада кенгайтириш ниятидаман.

Тадбирда, шунингдек, Ўзбекис­тон ногиронлар жамияти раиси Комилжон Абдуллаев, жамиятнинг Тошкент шаҳар бўлими раиси Феруза Восиқова, Ўзбекистон халқ артисти Хайрулла Лутфуллаев, Ўзбекистонда хизмат кўрсатган артист Абдураим Абдуваҳобов ва бош­қалар сўзга чиқиб, меҳр-оқибат ва ҳамжиҳатликни мустаҳкамлаш ҳақида сўз юритди.

Мудофаа вазирлиги ансамбли ҳамда бир гуруҳ санъаткорлар томонидан ижро этилган куй-қўшиқлар тадбирга байрамона руҳ бағишлади.

 

Ўз мухбиримиз.


Фикр ва мулохазалар

Защита от автоматических сообщений

Сўнгги янгиликлар: