08.12.2016

БИЛИМ ОЛИШ ҲУҚУҚИ ТАЪМИНЛАНАДИ

Конституциямизнинг 24 йиллиги байрамига бағишлаб мамлакатимиздаги барча олий ўқув юртлари, касб-ҳунар коллежлари, академик лицей ҳамда умумтаълим мактабларида давра суҳбатлари, турли танловлар ўтказилмоқда.

Ана шундай тадбирлардан бири пойтахтимиздаги 2-Республика тиббиёт коллежида бўлиб ўтди. Унда коллеж ўқувчилари Бош қомусимиз ҳақида олган билим ва кўникмаларини иштирокчиларга намойиш этишди.

— Конституция ҳаётимизда муҳим ўрин тутиши ҳақида кўплаб янги маълумотларга эга бўлдим, — дейди коллеж ўқувчиси Комила Акромова. — Асосий қонунимизнинг 41-моддасида ҳар ким билим олиш ҳуқуқига эга экани белгилангани, бепул умумий таълим олиш давлатимиз томонидан кафолатлангани биз учун беқиёс аҳамиятга эга.

— Мазкур тадбирдан кўзланган мақсад Қомусимизнинг мазмун-моҳиятини кенг тарғиб этиш, шу орқали ёшларнинг сиёсий-ҳуқуқий билим ва фаоллигини оширишдан иборат, — дейди 2-Республика тиббиёт коллежи директори, Ўзбекистон ХДП фаоли Миржалол Адилов. — Юртимизда инсон, унинг манфаатлари биринчи ўринда туриши Конституциямизда ўз ифодасини топган. Бугун бир нарсага амин бўлдимки, фарзандларимиз Конституциямизнинг меъёр ва қоидалари, аҳамиятини чуқур англаб етмоқда.

Мунозараларда фаол иштирок этган ўқувчилар эсдалик сов­ғалари билан тақдирланди.

Шунингдек, тадбирда ўқувчиларга Ўзбекистон Республикаси Конституциясининг яратилиши ва унинг жамиятимиз ҳаётидаги ўрни акс эттирилган видеоролик намойиш этилди.

 

Сабоҳат МАҲМУДОВА,

ЎзМУ талабаси.



DB query error.
Please try later.