Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2017   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
06.12.2016

«ЎЗБЕКИСТОНДА САЙЛОВ ХАЛҚАРО МЕЪЁРЛАР ДАРАЖАСИДА ТАШКИЛ ЭТИЛДИ»

Буни хорижлик кузатувчилар алоҳида эътироф этишди

Президент сайлови ҳар бир мамлакатнинг эртанги кунини белгилаб берувчи муҳим воқеадир. Унда халқ ўз хоҳиш-иродасини эркин ифода этади. Бу йилги сайлов мамлакатимизнинг барча ҳудудларида кўтаринки руҳда ташкил этилди. Буни хорижлик кузатувчилар, экспертлар ва мутахассислар алоҳида эътироф этишди.

 

Гао Юйшэн, Хитой Халқ Республикаси Ташқи ишлар вазирлиги махсус топшириқлар бўйича элчиси:

— Ўзбекистон Республикаси Марказий сайлов комиссия­си томонидан Президент сайловига тайёргарлик кўриш юзасидан амалга оширилган ишлар юқори баҳога муносиб.

Дастлабки кузатувлардан шунга амин бўлдимки, жорий сайлов муддатидан олдин ўтказилаётганига қарамасдан ўтган қисқа давр­да уни миллий қонунчилик ҳамда умумэътироф этилган халқаро меъёрларга мувофиқ тарзда ўтказиш бўйича катта ишлар амалга оширилган. Бу Ўзбекистонда фуқаролик жамиятини барпо этиш бўйича тажриба тўпланганидан далолат беради. Қолаверса, Марказий сайлов комиссияси, округ ва участка сайлов комиссиялари аъзоларининг юқори малакага эга экани сайловнинг муваффақиятли ўтказилишини кафолатлади.

 


Чон Чжон Соп, Корея Республикаси Миллий ассамблеяси депутати:

— Мамлакатингиздаги сайлов жараёнини кузатиб, сайловчилар учун тенг имкониятлар яратилганининг гувоҳи бўлдим. Сайлов участкаларидаги оналар ва болалар хонаси, тиббиёт хонаси менда яхши таассурот қолдирди. Бундай қулайликлар сайловнинг юқори ташкилий даражада ўтишига хизмат қилди, деб ўйлайман.

Қолаверса, имконияти чекланган кишилар учун ҳам шароитлар яратилгани қувонарли. Сайлов участкаларининг пандуслар билан жиҳозлангани, брайл алифбосидаги сайлов бюллетенларининг чоп этилгани эътиборга молик. Бу ҳар бир фуқаро сайловда эркин қатнашиши, ўзи муносиб кўрган номзодга шахсан ўзи овоз бериши учун хизмат қилади.

 



Сафи Исмаил Юнус, (Туркия):

— Ўзбекистондаги сайлов жараёнларида иккинчи марта қатнашишим. Бу йилги сайлов ҳам олдинги сайловлар каби очиқ-ошкора, халқ­аро стандартларга мос равишда ўтди. Бундан буён ҳам қардош халқларнинг муносабатлари янада мустаҳкамланади, деб ўйлайман.

Сайлов куни Фарғона вилоятида бўлдим. Аҳолининг сайловда кўтаринки кайфиятда иштирок этгани, сайлов участкаларидаги шарт-шароитлар мени жуда қувонтирди. Ўзбекистон Республикаси Президенти сайлови фуқароларнинг конституциявий ҳуқуқлари ва жаҳон ҳамжамияти томонидан эътироф этилган демократик тамойилларнинг амалдаги яна бир ифодаси бўлди.

 



Маелин Де Лара, Diplomat Magazine журнали бош муҳаррири (Недерландия):

— Ўзбекистон ҳақидаги тасаввурим юртингизга келмасимдан аввал пайдо бўлган. Боиси Бристол элчихонаси билан яхши алоқаларимиз бор. У ерда ходимлар жуда фидойилик билан ишлайди. Бунга қойил қоламан, албатта. Мени Тошкент шаҳридаги «Минор» масжиди мукаммаллиги билан мафтун қилди. Қадимий Бухорога ташрифим эса, юртингизга муҳаббатимни янада оширди. Таассуротларимни сўз билан ифода этишим қийин.

Ўзбекистон сайлов қонунчилиги билан танишиб, унинг халқаро умумэътироф этилган меъёрларга мос равишда ишлаб чиқилганини билгандим. Бу ерга ташриф буюргач, қоғоздаги гапларнинг амалий ифодасини кўриб, ҳаётга тўлиқ татбиқ этилганига ишонч ҳосил қилдим. Сайлов кампанияси кутганимдан ҳам юқори савияда ташкиллаштирилганига гувоҳ бўлдим. Энг ривожланган давлатларда ҳам бундан ортиқ бўлмайди.

Сайлов куни бир қанча сайлов участкаларида бўлдик. Одамлар фаоллик ва уюшқоқлик билан тонг саҳардан овоз беришга кела бошлади. Ёш болали аёллар учун махсус хоналарнинг ташкил этилганини кўриб, юртингиз фуқароларига тенг имкониятлар яратилганига ишонч ҳосил қилдим.

 

Райнер Риенмюллер, Грац номидаги тиббиёт университети профессори (Австрия):

— Ўзбекистон Президентлигига номзодлар тўртта партиядан кўрсатилгани ва улар ўзига хос дас­турий йўналишларга эгалиги халқаро меъёрларга тўла мос келади. Ҳар бир номзоднинг Сайловолди дастури билан танишиб чиқдим. Уларнинг сиёсий қарашлари, ғоялари турлича бўлса-да, барчасини бир жиҳат боғлаб турганини анг­ладим. Бу мамлакатни янада ривожлантириш, тараққиётнинг юқори чўққиларига олиб чиқишга қаратилган таклифларда намоён бўлган.

 

«Ўзбекистон овози» мухбирлари

Гулруҳ ОДАШБОЕВА

Зилола УБАЙДУЛЛАЕВА, ёзиб олди.



DB query error.
Please try later.