Охирги сонда



Кўп ўқилган мақолалар



Долзарб мавзу



Мақолалар архиви

«    Noyabr 2018   
Du Se Cho Pa Ju Sha Ya
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2
05.12.2016

ХАЛҚИМИЗ ЮКСАК СИЁСИЙ ФАОЛЛИК КЎРСАТДИ

Қорақалпоғистон Республикаси Нукус шаҳридаги 57-сайлов участкасида 2976 нафар сайловчи рўй­хатга олинган. Шундан 15 нафари муддатидан олдин овоз берди.

— Эрта тонгданоқ сайлов участкамизга ёши улуғ нуроний отахону онахонлар, ёшлар бирин-кетин ташриф буюришди, — дейди 57-участ­ка сайлов комиссияси ­раиси Давлетбой Пахратдинов. — Халқимизнинг сайловга бўлган муносабати ва масъулияти юқорилигини кузатдик. Фуқароларимиз сайловга бефарқ эмаслигини кўрсатиб, ҳар бири сайлаш нафақат конституциявий ҳу­қуқи, балки инсоний бурчи эканини исботлади. Участкамиздан 64 фуқаро биринчи марта овоз берди. Сайловчилар овоз бериш жараёнида фаол қатнашгани фуқароларнинг юртимиз тақдирига даҳл­дорлик туйғуси билан яшаётганидан далолат беради.

Сайлов жараёнида овоз беришни ташкил этиш, сайловчилар ўз хоҳиш-истакларини эркин билдиришларини таъминлаш, биноларни жиҳозлаш ва уларда зарур тартибни сақлаб туриш учун участка сайлов комиссияси аъзолари ўз вазифаларини сидқидилдан бажаришди. Сайловчиларнинг ҳар бири шахсан ўзи келиб овоз берди.

Нукус туманидаги сайлов участкаларида бўлганимизда ҳам бунга амин бўлдик.

— Участкамизда 30 нафар ёш сайловда илк бор овоз берди, — дейди 348-сайлов участкаси котиби Шарапатдин Утеулиев. — Шунингдек, 6 нафар жисмоний имконияти чекланган фуқаролар учун уй шароитида овоз бериш имкония­ти яратилди.

Участкамизда сайловга барча шарт-шароитлар ҳо­зирланди. Оналар ва болалар, тиббиёт хоналари фуқароларимиз хизматида бўлди.

 

Мнажатдин ҚУТЛИМУРАТОВ,

«Ўзбекистон овози» мухбири.

 

***

Сурхондарё вилоятидаги сайлов участкалари ҳам эрта тонгданоқ сайловчилар билан гавжум бўлди. Президент сайловини очиқлик, тенглик ва адолат тамойиллари асосида ўтказиш учун барча шароитлар яратилди.

Вилоятнинг Шўрчи туманида 55 та сайлов участкаси тузилган. Уларнинг барчасида овоз бериш жараёнлари сайловчиларнинг фаол иштироки асосида ўтди. Кекса ва ёш бирин-кетин сайлов участкаларига келиб, ўз конституциявий ҳуқуқларини амалга оширишди.

— Сайлов участкамизда 1 минг 706 нафар сайловчи овоз берди, — дейди тумандаги 484-участка сайлов комиссияси раиси Барчиной Содиқова. — Маҳалладошларимизнинг ҳар бири фуқаролик масъулиятини ҳис қилган ҳолда, байрамона кайфиятда участкага келди. Сайлов участкасига кела олмайдиган 8 нафар фуқарога ўз хонадонларида овоз бериш имконияти яратилди.

 

Сайёра АЛЛАБЕРДИЕВА

 

***

Навоий вилоятида ҳам Ўзбекистон Республикаси Президенти сайлови сайловчиларнинг юксак фаоллиги билан ўтди. Вилоят ҳудудида 363 та сайлов ­участкаси ташкил этилган эди.

5-Навоий округ сайлов комиссиясига қарашли 300-участка сайлов комиссиясида 2696 нафар сайловчи рўйхатга олинган. Уларнинг 61 нафари сайловда биринчи марта овоз берган ёш­лардир.

Сайловнинг очиқ ва ошкора ўтишини таъминлаш мақсадида оммавий ахборот воситалари ходимлари, хал­қ­аро ва сиёсий партияларнинг кузатувчилари учун қулай шароитлар яратилган.

Халқаро кузатувчилар сайлов жараёнларини юқори баҳолашди.

— Юртингизда сайловга пухта тараддуд кўрилган. Жойлардаги сайлов участкаларида бўлиб, сайловчилар эркин ва мустақил овоз бераётганининг гувоҳи бўлдик, — деди Швейцариядаги «Дива Интернейшнл» журнали бош муҳаррири, Марит Фосс. — Энг муҳими, фуқаролар амалдаги сайлов қонунчилиги, ­Президентликка номзодлар ҳақида етарли маълумотларга эга. Бу, албатта, сайловнинг ошкора ва демократик руҳда ўтишини таъминлайди.

Юртингизда тўртинчи бор бўлишим. Сайлов жараёнларини эса учинчи марта кузатаяпман. Таъкидлаш лозимки, мамлакатингизда сайловдан сайловгача фуқароларнинг сиёсий ва ҳу­қуқий онги, фаоллиги ўсиб боряпти. Шунингдек, сайлов тизими ҳам янада такомиллашмоқда. Сайловларнинг Марказий сайлов комиссия­си томонидан ўтказилиши ва бу тузилмага конституциявий мақом берилганлигини алоҳида эътироф этиш лозим. Чунки бундай амалиёт аксарият мамлакатлар сайлов қонунчилигида кузатилмайди.

 

Илҳом САТТОРОВ,

«Ўзбекистон овози» мухбири.



DB query error.
Please try later.