Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
03.12.2016

МУҲИМ СИЁСИЙ ЖАРАЁНГА ҲОЗИРЛИК

Сайловлар демократик ҳуқуқий давлатнинг узвий белгиси ва халқ хоҳиш-иродаси эркин ифода этилишининг асосий шакли, кафолатидир. Барча ҳудудларда бўлгани каби Сурхондарё вилоятида ҳам Президент сайловига пухта ҳозирлик кўрилмоқда.

— Сайловнинг очиқ, ошкора ва адолат тамо­йиллари асосида ташкил этилиши келажагимизни белгилайди, — дейди ЎзХДП Денов туман ­кенгаши раиси Ҳасан ­Мирзаев. — Айни кунларда ҳудудда 340 минг нафардан ортиқ аҳоли истиқомат қилса, сайловда уларнинг 233 минг нафари қатнашади. Шундан 4 минг 352 нафари сайловда биринчи марта иштирок этадиган ёшлардир.

Туманда 103 сайлов участкаси ташкил этилган бўлиб, уларда ташаббускор ва обрў-эътиборга эга аъзолар иш олиб бормоқда. Сайлов участкаларида барча шароитлар яратилган. Комиссия раиси ва аъзолари учун алоҳида хоналар ажратилган. Ҳуқуқий адабиёт ва кундалик ­нашрлар муҳайё. Она ва ­бо­ла, тиббиёт хоналари зарур воситалар билан таъминланган.

Бўлажак сайлов олдидан жойларда «Ватаним келажаги учун овоз бераман», «Менинг овозим аҳамиятга эга», «Мен сайловда биринчи марта овоз бераман» ва бошқа мавзуларда кўплаб учрашувлар ўтказилди.

— Мустақиллик тенгдошиман, — дейди тумандаги «Ёш авлод» хусусий корхонаси раҳбари, Ўзбекистон ХДП аъзоси Бегзод Тошпўлатов. — Эртага бўлиб ўтадиган сайлов барчамизга катта масъулият юклайди. Жамоамизда Президент сайловининг аҳамияти ҳақида қизғин суҳбатлар бўлди.

— Ҳаёт шиддат билан ўзгармоқда, — дейди коллеж ўқувчиси Фаррух Мусурмонов. — Ана шундай мураккаб вазиятда ­Ватан туйғусини чуқур англайдиган, иродаси мустаҳкам, юксак маънавиятли ёш авлодгина зарарли таъсир ва оқимларга қар­ши тура олади. Шу боис, мен ҳар қандай шароитда ёшларни қўллаб-қувватлайдиган номзод учун овоз бермоқчиман.

 

Абдумалик ҲАЙДАРОВ,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: