Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
29.11.2016

ҲАР БИР САЙЛОВЧИ ФАҚАТ ЎЗИ УЧУН ОВОЗ БЕРАДИ

ЎзХДП Марказий Кенгаши «Фаол аёллар» қаноти томонидан Республика олимпия захиралари коллежида «Президент ­сайловида хотин-қизлар ва ёшларнинг фаол иштирокини таъминлаш» мавзусида тадбир ўтказилди.

Унда Ўзбекистон ХДП Марказий Кенгаши ходимлари, Олий Мажлис Қонунчилик палатасидаги партия фракцияси аъзолари, коллеж ўқитувчилари ва ўқувчилари иштирок этди.

Тадбир давомида хотин-қизлар ва сайловда илк бор иштирок этаётган ёшлар сайлов қонун-қоидалари билан таништирилди. Сайлов кампанияси жараёнлари, сайловчиларнинг ҳуқуқ ва мажбуриятлари, овоз бериш тартиби ҳақида батафсил маълумотлар ­берилди. Шу билан бирга, Ўзбекистон Халқ демократик партия­сидан Президентликка номзод Хатамжон Кетмоновнинг Сай­лов­олди дастури тарғиб қилинди.

 

Феруза ЭШМАТОВА, Олий Мажлис Қонунчилик палатаси депутати, ЎзХДП фракцияси аъзоси:

— Мамлакатимизда демократик жараёнларни янада чуқурлаштириш ва фуқаролик жамиятини ривожлантириш учун зарур шарт-шароитлар яратилган. Сайлов тизимининг очиқ-ошкоралигини таъминлаш, фуқаролар ўз хоҳиш-иродасини эмин-эркин билдириши учун ҳуқуқий асослар янада мустаҳкамланди. Бу сайлов билан боғлиқ барча тадбирларнинг демократик талабларга мос равишда ўтишига хизмат қилмоқда.

Қонунчилигимизда Президент сайловини ўтказиш тамойиллари аниқ белгиланган. Унга кўра, Ўзбекистон Республикасининг фуқаролари Ўзбекистон Республикаси Президентини сайлаш бўйича сайлов­олди кампаниясида ва овоз беришда ихтиёрий равишда қатнашадилар. Президент сайлови бўйича овоз бериш яширин бўлиб, фуқаролар томонидан бевосита амалга оширилади. Фуқароларнинг хоҳиш-ирода билдиришлари устидан назорат этилишига йўл қўйилмайди. Ҳар бир фуқаро битта овозга эга. Яъни, ҳар бир сайловчи фақат ўзи учун овоз беради.

 

Гулшан АСАТОВА, ЎзХДП Марказий Кенгаши сектор мудири:

— Президент сайловида фуқароларимизнинг сиёсий фаоллиги яна бир бор намоён бўлади. Сайлаш — бу нафақат конс­титуциявий ҳуқуқ, балки юксак фуқаролик масъулияти эканини унутмаслигимиз керак.

Айтиш керакки, партиямиздан Президентликка номзод Хатамжон Кетмоновнинг сайловолди дастурида аёллар ва ёшлар масалаларига ҳам алоҳида урғу берилган. Масалан, касб-ҳунар коллежлари битирувчиларига имтиёзли микрокредитлар тақдим этиш, ўз бизнесини очишда уларга янада қулай имкониятлар яратиш билан боғлиқ муҳим йўналишлар белгиланган.

Дастурда, шунингдек, иш берувчиларнинг тегишли ҳудудлардаги касб-ҳунар коллежларига бириктирилиши ҳамда мунтазам ҳаракатдаги «коллеж — корхона» алоқаларини йўлга қўйиш масалаларига эътибор қаратилган. Бу йигит-қизларнинг касб-ҳунар сирларини пухта ўрганиши, иш жараёнлари ҳақида тўлиқ тушунчага эга бўлиши, тажриба орттиришида муҳим аҳамиятга эга.

 

Жавоҳир ТУРСУНОВ, Республика олимпия захиралари коллежи битирувчиси:

— Президент сайловида қатнашиш ҳаётимдаги унутилмас воқеалардан бири бўлади. Сиёсий партиялардан кўрсатилган номзодларнинг дастурлари билан танишиб боряпман. Сайлов билан боғлиқ кўплаб тадбирларда иштирок этдим. Бир нарсага амин бўлдимки, Президентликка муносиб кўрган номзодимизни мустақил равишда сайлаш, овоз бериш учун ҳамма имкониятлар яратилган.

Президентликка номзодимизнинг аҳоли бандлигини таъминлаш тизимини доимий равишда такомиллаштириб бориш юзасидан илгари сурган фикрлари ёшларнинг эътиборидан четда қолмайди, деб ўйлайман. Чунки инсон муқим иш жойига эга бўлса, ўзининг, оиласининг моддий эҳтиёжларини таъминлашга эришади, орзу-ниятлари рўёбга чиқиши учун ҳаракат қилади.

Тадбир савол-жавоб ва очиқ мулоқот тарзида ўтди.

 

Лазиза ШЕРОВА,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: