Охирги сонда



Кўп ўқилган мақолалар



Долзарб мавзу



Мақолалар архиви

«    Iyun 2017   
Du Se Cho Pa Ju Sha Ya
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2
26.11.2016

САЙЛОВ ШТАБЛАРИ

партиямиз ғояларини кенг ва самарали тарғиб этишга хизмат қилмоқда

«Ўзбекистон Республикаси ­Президен­ти сайлови тўғрисида»ги қонуннинг 28-моддасига мувофиқ, Ўзбекистон Республикаси Президентлигига номзодларга, сиёсий партияларга Марказий сайлов комиссияси томонидан белгиланадиган тартибда оммавий ахборот воситаларидан фойдаланиш ҳамда Ўзбекис­тон Республикаси Президентлигига номзодларга сайловчилар билан йиғилишларда ҳамда сайловчилар учун қулай бўлган бошқа шаклда учрашувлар ўтказиш бўйича тенг ҳуқуқ ва имко­ниятлар берилган.

Ўзбекистон Халқ демократик партиясининг барча даражадаги ташкилотлари томонидан Президент сайлови билан боғлиқ тадбирларни ва партиядан Ўзбе­кис­тон Республикаси Президентлигига кўрсатилган номзоднинг сайловолди ташвиқотини юқори савияда ўтказиш учун қатор ишлар олиб борилмоқда. Бу борада пар­тия ташкилотлари тизимида ташкил этилган сайлов штаблари муҳим аҳамиятга эга бўлмоқда.

Мазкур штаблар партия ташкилотларининг сайлов билан боғлиқ фаолиятини ўзаро мувофиқлаштириб бормоқда.

Сайлов штаблари зиммасига муҳим ташкилий-ҳуқуқий вазифалар юклатилган бўлиб, улар 4 йўналиш асосида фаолият кўрсатмоқда, — дейди Ўзбекистон ХДП Марказий сайлов штаби раҳбари Рустам Комилов.Хусусан, сайлов штаблари Президентликка номзодга сайлов ­кампаниясини ўтказишда ёрдам бериш, тарғибот ишларини олиб боришдан тортиб, номзоднинг жойлардаги учрашувларини ташкил этиш, унда сайловчилар томонидан кўтарилаётган масалаларни таҳлил этишгача бўлган жараённи қамраб олади. Ҳозирда барча пар­тия ташкилотларида 14 ҳудудий ҳамда минтақавий сайлов штаблари фаолият олиб бормоқда.

Айни вақтда жойларда сайловчилар билан номзодимиз ва унинг ишончли вакилларининг учрашувлари бўлиб ўтмоқда. Мазкур тадбирларда Президентликка номзод ­Хатамжон Кетмоновнинг таржимаи ҳоли, сайловолди дастурида илгари сурилган ғоя ва ташаббуслар мазмун-моҳияти сайловчиларга етказилмоқда. Саволларга атрофлича жавоб қайтарилмоқда.

Албатта, бу каби тадбирлар партиямиздан Ўзбекистон Республикаси Президентлигига номзоднинг қонуний ҳақ-ҳуқуқларини таъминлаш ва сайловолди учрашувларини юқори савияда ўтказишда муҳим ўрин тутади.

— Сайловолди ташвиқоти сайлов кампаниясининг энг муҳим босқичларидан бири ҳисобланади, — дейди Ўзбекистон ХДП Марказий сайлов штаби аъзоси Алишер Равшанов. — Қонунчилигимизга мувофиқ, сайловолди ташвиқотини олиб бориш учун турли механизмлар, воситалар жорий қилинган. Шу боис партия ташкилотлари Ўзбекистон Республикаси Президентлигига номзоднинг сайловчилар билан учрашувларини ҳар томонлама самарали ўтказиш учун барча имкониятларни ишга ­солаяпти. Сайлов штаби фаолиятининг асосий йўналишларидан бири айнан номзод дастурида белгиланган ғояларни тарғибот қилиш ҳисобланади. Барча даражадаги сайлов штабларида матбуот марказлари ташкил этилган. Улар маҳаллий ­оммавий ахборот воситалари ҳамда босма нашрлар имкониятларидан унумли фойдаланишга алоҳида эътибор қаратмоқда.

Шунингдек, номзод ғояларини ташвиқот қилишда интернет, хусусан, ижтимоий тармоқлардан ҳам самарали фойдаланилмоқда. Бир нечта ижтимоий тармоқларда номзоднинг сайловолди дастури жойлаштирилган.

— Номзод дастуридаги бир қатор ғоялар сайловчилар томонидан фаол қўллаб-қувватланмоқда, — дейди Ўзбекистон ХДП Қорақалпоғистон Республика кенгашидаги сайлов штаби раҳбари Халилла Ешимбетов. — Бунда сайлов штаби муҳим ўрин тутмоқда. Биз Ўзбекистон Республикаси Президенти сайловида биринчи марта овоз берадиган ёшларга алоҳида эътибор қаратаяпмиз. Тар­ғибот жараёнида партиямизнинг «Истиқбол» ёшлар ва «Фаол аёллар» қанотлари етакчилари, фаолларининг имкониятларидан унумли фойдаланишга ҳаракат қилаяпмиз. Айни пайт­да партия ташкилотларимиз сайлов­олди ташвиқоти жараёнларида ЎзХДП дастурий мақсадларини изчил ва чуқур тарғиб қилишга интилмоқда. Айниқса, партия­миз ғоялари, қолаверса, рамз­лари акс этган замонавий тарғибот материаллари сайловчиларни бефарқ қолдирмаяпти.

— Сайлов жараёнининг муҳим иштирокчиларидан бири кузатувчилар ҳисобланади, — дейди Ўзбекистон ХДП Марказий сайлов штаби раҳбари ўринбосари Боймурод ­Юсупов. — Шу боис партиямиздан кузатувчиларни тайинлаш ва ­уларнинг ишини сифатли ташкил этиш долзарб масаладир. Қонунчиликка кўра, сайловга тайёргарлик кўриш ва уни ўтказишга доир барча тадбирларда, шунингдек, ҳар бир сайлов участкасида сайлов куни овоз бериш хоналарида ва овозларни санаб чиқишда партиядан кузатувчилар тайинлаш тўғрисида округ сайлов комиссияларига маълум қилинди.

Шунингдек, участка сайлов комиссиялари иши, сайлов участкаларида қонунчиликка риоя қилиш масалалари устидан жамоатчилик назоратини амалга ошириш бўйича кузатувчиларга катта ҳуқуқлар берилган. Айни пайт­да бу ҳуқуқларнинг муайян чегаралари ҳам аниқ белгилаб қўйилган. Кузатувчиларга юкланаётган вазифалар кўламини инобатга олган ҳолда, уларни ҳуқуқий жиҳатдан тайёрлаш, сиёсий билими ва кўникмаларини ҳар томонлама бойитиш талаб этилади. Ҳозирда жойларда ана шу масалага ҳам алоҳида эътибор берилмоқда.

Сайлов кампанияси даврида туман ва шаҳар кенгашлари, бошлан­ғич ташкилотларимиз ташаббускор бўлиши муҳим аҳамиятга эга. Мазкур тузилмалар томонидан электоратимиз вакилларида фаол фуқаролик позициясини мустаҳкамлаш, сайлов ҳуқуқидан онгли тарзда, масъулият билан фойдаланишга интилишни кучайтириш ишлари изчил йўлга қўйилган.

— Сайловчиларни партиямиздан Президентликка номзоднинг ғоя ва дастурий мақсадлари билан кенг таништиришда сайлов штаби муҳим ўрин тутади, — дейди Ўзбекистон ХДП Марказий сайлов штаби аъзоси Нилуфар Йўлдошева. — Хусусан, номзодимиз дастурида қурилиш соҳасини модернизация қилиш, қурилиш ташкилотларини кенг ривожлантириш, уларни замон талабига жавоб берадиган мутахассислар, техник воситалар билан таъминлаш каби муҳим масалалар ўрин олгани сайловчиларнинг катта қизиқишига сабаб бўлмоқда. Шунингдек, аҳолини ижтимоий муҳофаза қилиш, касб-ҳунар коллежи битирувчиларини иш билан таъминлаш, ижтимоий хизматлар сифатини ошириш сингари ҳаётий ташаббуслар барча аҳоли қатламларини ўзига жалб этмоқда. Бундан кўриниб турибдики, номзодимиз дастурини тар­ғиб қилишга қаратилган фаолиятимизни янада ривожлантиришимиз, ташвиқот тадбирлари самарадорлигини оширишимиз талаб этилади.

 

Нурали ОРИПОВ,

«Ўзбекистон овози» мухбири.



DB query error.
Please try later.