Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
26.11.2016

ИШОНЧЛИ ВАКИЛ САЙЛОВЧИЛАР БИЛАН УЧРАШДИ

Ўзбекистон Халқ демократик партиясидан Ўзбекистон Республикаси Президентлигига номзод Хатамжон ­Кетмоновнинг ишончли вакили А.Аҳмедов Навоий вилоя­ти Хатирчи тумани сайловчилари билан учрашди.

Ишончли вакил сайловчиларни Хатамжон Кетмоновнинг таржимаи ҳоли ва сайловолди дастури билан таништирди.

Вакил Президентликка номзоднинг дас­турида белгиланган муҳим жиҳатларни қайд этар экан, қишлоқ врачлик пункт­лари тармоғини кенгайтириш, имтиёзли ва бепул малакали тиббий-санитария хизмати кўрсатилишини тартибга солувчи қонун ва ҳужжатлар ижроси устидан тизимли назоратни кучайтириш, фармацевтика корхоналари ва дорихона муассасалари фаолияти ҳамда дори-дармон воситалари нархи устидан давлат ва жамоатчилик назоратини мустаҳкамлаш, дори воситалари рекламасини чеклаш каби муҳим вазифаларга алоҳида эътибор қаратилганини таъкидлади.

Номзод дастурида истиқболли лойиҳаларни ривожлантириш бўйича инвестиция дастурлари ишлаб чиқишга малакали ўрта махсус ва олий маълумотли мутахассисларни жалб этиш ҳамда ҳудудий бандлик дастурлари билан ўзаро ­боғлиқликни таъминлаш, ишчи кучи четга чиқиб кетишининг олдини олиш, бунинг учун аҳоли бандлигини таъминлашнинг мутлақо янги ва замонавий усулларини жорий қилиш, иш ўринлари ташкил этиш дастурининг сўзсиз бажарилиши устидан парламент назоратини кучайтириш каби устувор вазифалар илгари сурилган.

Учрашувда халқ депутатлари Хатирчи тумани Кенгашидаги партия гуруҳи раҳбари Р.Боймуродов, тумандаги 88-давлат ихтисослаштирилган умумтаълим мактаби директори М.Саидаҳмедова, «Соғ­лом авлод учун» халқаро хайрия фонди туман бўлими директори Ш.Жўраева ва бошқалар номзоднинг дастурида белгиланган устувор вазифалар хусусида фикр билдирди.

Номзоднинг ишончли вакили сайловчиларнинг саволларига атрофлича жавоб қайтарди.

 

Н.РАҲИМОВ,

ЎзА мухбири.


Фикр ва мулохазалар

Защита от автоматических сообщений

Сўнгги янгиликлар: