19.11.2016

МИЛЛИЙ ҒУРУР ВА ИФТИХОР ТИМСОЛИ

Ўзбекистон Халқ демократик партияси давлатимиз байроғи қабул қилинган кун муносабати билан жойларда турли маънавий-маърифий тадбирлар ўтказмоқда. Тошкент шаҳар партия кенгаши томонидан Мирзо Улуғбек номидаги Ўзбекистон Миллий университетида ташкил этилган тадбир «Байро­ғ­имиз — юртимизнинг қудрати, хал­қимизнинг ғурур ва ифтихори» мавзусига бағишланди. Унда Олий Мажлис Қонунчилик палатаси депутатлари, партия фаоллари, профессор-ўқитувчилар ҳамда талаба-ёшлар иштирок этди.

Таъкидланганидек, давлат рамзлари ҳамиша муқаддас ва улуғ саналади. Чунки, улар халқимизнинг ўтмиши, бугуни ва келажагини ўзида мужассам этган Ватанимизнинг ёрқин тимсолларидир. 1991 йил 18 ноябрь халқимиз ёдида ўчмас ва қутлуғ сана бўлиб қолди. Шу куни «Ўзбекистон Республикасининг Давлат байроғи тўғрисида»ги қонун қабул қилинди. Байроғимиз куч-қудрат, аҳиллик, эрк ва озодлик тимсоли сифатида ҳар бир ўзбекистонлик қалбидан чуқур жой олган.

— Ўзбекистон демократик давлат ва эркин фуқаролик жамияти қуриш йўлидан бормоқда, — деди Олий Мажлис Қонунчилик палатаси депутати, ЎзХДП фракцияси аъзоси Акмал Умаралиев. — Байроғимизда ҳам биз танлаган адолат йўлининг мазмун-моҳияти мужассам. Ундаги тимсоллар бизни ҳар доим миллатлараро дўстлик, ҳамжиҳатлик, ­мамлакат келажаги бўлган ёшларни қўллаб-қувватлаш, энг асосийси, эрк ва озодликни улуғлашга даъват қилади.

Шунингдек, тадбирда университетнинг маънавий-маърифий ишлар бўйича проректори Давлатёр ­Жумабоев, ЎзХДП Тошкент шаҳар кенгаши раиси ўринбосари Нилуфар ­Юлдашева, «Ёшлик» талабалар шаҳарчаси партия кенгаши раиси ­Муҳаббат ­Абдуллаева, Тошкент давлат юридик университети профес­сори, юридик фанлари доктори ­Жуманазар Холмўминов ва бошқалар давлат рамзларининг аҳамияти, улардан фойдаланишнинг ҳуқуқий меъёрлари ҳақида сўз юритишди.

Миллий байроғимизга ҳурмат бажо келтириш ҳар бир фуқаронинг муқаддас бурчи экани таъкидланди.

 

Зилола УБАЙДУЛЛАЕВА,

«Ўзбекистон овози» мухбири.



DB query error.
Please try later.