17.11.2016

ДЕПУТАТЛИК НАЗОРАТИ — ТАРАҚҚИЁТ КАФОЛАТИ

Тошкент вилояти ҳокимлигида «Соғлом она ва бола йили» Давлат дастури ва бошқа дастурлар ижроси юзасидан депутатлик назорати самаралари: ютуқлар, муаммолар ва истиқболдаги вазифалар» мавзусида минтақавий семинар ўтказилди.

Ўзбекистон Республикаси Олий Мажлиси Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссияси томонидан ташкил этилган тадбирда сенаторлар, халқ депутатлари вилоят, туман ва шаҳар Кенгашлари ҳамда Тошкент шаҳар Кенгаши депутатлари, ҳокимликлар ташкилий-назорат гуруҳлари раҳбарлари, Сенатнинг маҳаллий ҳокимият вакиллик органлари фаолиятини кучайтиришга кўмак­лашувчи комиссиясига ёрдам берувчи ишчи гуруҳлар аъзолари, нодавлат нотижорат ташкилотлар вакиллари ва оммавий ахборот воситалари ходимлари иштирок этди.

— Халқ депутатлари маҳаллий Кенгашлари фаолияти сифат жиҳатдан ижобий томонга ўзгариб, жойлардаги долзарб ижтимоий-иқтисодий масалаларни аниқлаш ва ҳал этишда маҳаллий вакиллик органлари фаолияти самарадорлиги ошиб бормоқда, — дейди Ўзбекистон Республикаси Олий Мажлиси Сенати девонининг юридик бўлими мудири ўринбосари А.Маҳмудов. — Маҳаллий вакиллик органларининг қонуний ваколатлари кенгайиб, уларнинг жойлардаги долзарб масалаларни ҳал этишдаги роли кучайиб бораётгани ислоҳотлар самарадорлигини оширишда муҳим аҳамият касб этаётир.

Маҳаллий вакиллик органлари назорат фаолиятини ташкил этишнинг ҳуқуқий асослари, хусусан, сўнгги йилларда қонунчиликка киритилган янги нормаларни амалга ошириш механизмлари, маҳаллий кенгаш депутатларининг «Соғлом она ва бола йили» Давлат дастури ва бошқа дастурлар ижроси устидан олиб борган фаолияти муҳокама қилинди. Бу борада эришилган натижалар, ўз ечимини кутаётган муаммолар ва тўлиқ фойдаланилмаган имкониятлар таҳлил қилинди.

Тадбирда маҳаллий кенгашлар ва уларнинг тегишли доимий комиссиялари томонидан жойлардаги тиббиёт муассасалари фаолиятини янада яхшилаш, мазкур муассасаларда иш сифати ва самарадорлигини оширишга қаратилган масалалар сессия ҳамда мажлисларда етарли даражада муҳокама қилинмаётгани қайд этилди. Шундан келиб чиқиб, маҳаллий кенгашлар назорат фаолиятини такомиллаштириш, бунда сиёсий партиялар депутатлик гуруҳларининг ролини кучайтириш юзасидан фикр алмашилди.

 

И.АВВАЛБОЕВ,

ЎзА мухбири.


Фикр ва мулохазалар

Защита от автоматических сообщений

Сўнгги янгиликлар: