15.11.2016

СЛОВАКИЯ КИНОСИ КУНЛАРИ

Тошкентдаги Киночилар уйида «Ўзбеккино» Миллий агентлиги ва Словакия Республикасининг Ўзбекистондаги элчихонаси ҳамкорлигида Словакия киноси кунларига бағишланган матбуот анжумани бўлиб ўтди.

Тадбир иштирокчилари 18-20 ноябрь кунлари Алишер Навоий номли киносаройда ўтказиладиган Словакия киноси кунларига тайёргарлик юзасидан ўз фикр-мулоҳазаларини билдиришди.

— Словакия кино кунлари икки халқ ўртасидаги дўстлик алоқаларини янада мустаҳкамлашга хизмат қилади, — деди Словакия Республикасининг Ўзбекистондаги Фав­қулодда ва мухтор элчиси Иван Павол. — Намойиш этилиши мўлжалланган фильмларда Словакия халқининг ўтмиши, турмуш тарзи, миллий қадриятлари ва байрамлари акс этган. Шунингдек, мазкур тадбир доирасида хориж киноматографлари билан ҳамкорликда ишланган асарлар, Словакия ва Чехия ижодкорлари кино лойиҳалари ҳам тақдим этилади.

— Юртимизда ўтказилиши мўлжалланган Словакия киноси кунларига ҳар томонлама тайёргарлик кўрилган, — дейди «Ўзбек­кино» Миллий агентлиги халқаро алоқалар бўлими мудири Асия Ботирова. — Ўша кунлари Словакия кино ва санъат намояндалари билан турли учрашув ва анжуманлар, давра суҳбатлари ва тақдимотлар ташкил этилади. Ўз навбатида, Словакияда ўтказиладиган Ўзбек­ис­тон киноси кунларига ҳам тайёргарлик кўряпмиз.

 

Маҳлиё АЛИҚУЛОВА



DB query error.
Please try later.