Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
08.11.2016

МУҲИМ ТАДБИРГА ПУХТА ТАРАДДУД

Ўзбекистон Республикаси Президенти сайловини ўтказувчи 8-Сирдарё сайлов округида ташкил этилган 271 сайлов участкасининг барчасида ушбу муҳим сиёсий тадбирга пухта ҳозирлик кўрилмоқда.

Биринчи Президентимиз раҳнамолигида мустаҳкам миллий сайлов қонунчилиги яратилгани фуқароларнинг ўз хоҳиш-иродасини демократик тамойилларга мос тарзда эмин-эркин ифода этиши, конституциявий ҳу­қу­қидан тўлақонли фойдаланишида муҳим аҳа­мият касб этмоқда.

Участка сайлов комиссияси аъзолари ишини самарали ташкил этиш ва сайловчиларга қулайлик яратиш мақсадида участка марказлари умумтаълим мактаблари, касб-ҳунар коллежлари, давлат корхоналари ва жамоат ташкилотларининг замонавий биноларида жойлаштирилган.

— Участка сайлов комис­сиялари аъзоларининг 67 фоизи аввал ҳам ушбу сиёсий тадбирда комиссия таркибида фаолият юритган ва муайян амалий тажрибага эга, — дейди 8-Сирдарё округ сайлов комиссияси раиси С.Қудратов. — Вилоятда 529 минг 810 сайловчи рўйхатга олинган бўлиб, уларнинг 15 мингдан ортиғи биринчи марта овоз берадиган ёшлардир. Ҳар бир участкада сайловчилар учун барча шароит яратилмоқда. Сайлов участкалари давлат рамзлари, замонавий ахборот-коммуникация технологиялари, мебель, овоз бериш кабиналари ва зарур адабиётлар билан тўлиқ таъминланмоқда. Сайлов қо­нунчилигига оид маълумотлар, сайловчилар ҳуқуқ ва мажбуриятлари тўғрисидаги тарғибот-ташвиқот воситалари кў­ринарли жойларга осиб қўйилган.

Гулистон шаҳридаги 6-сайлов участкаси «Навбаҳор» маҳалла фуқаролар йиғини ҳудудидаги 6-умумтаълим мактаби биносида жойлашган. Маҳаллада 2 минг 200 дан зиёд сайловчи бўлиб, уларнинг 20 нафари ушбу муҳим сиёсий тадбирда биринчи марта иштирок этади. Мебель, замонавий алоқа, ёритиш ва иситиш воситалари, меъёрий ҳужжатлар ва бошқа зарур материаллар билан жиҳозланган участкада сайловолди тайёргарлик ишлари миллий қонунчилигимиз ва Марказий сайлов комиссияси томонидан тасдиқланган тадбирлар режаси асосида олиб борилмоқда.

 

А.ҚАЮМОВ,

ЎзА мухбири.



DB query error.
Please try later.