Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
29.10.2016

ЯНА ГОЛ ҚАЙҒУСИ

Шу кунларда Баҳрайнда футбол бўйича ёшлар ўртасида Осиё чемпионати давом этмоқда. Афсуски, унда Жасур Абдураимов бош мураббийлигида Ўзбе­­кистон ёшлар терма жамоаси чорак финалда эронликларга имкониятни бой берди.

Аслида футболчиларимиз яхши ўйин кўрсатишаётган эди, улардан умидимиз катта эди. Аммо масъулиятли ўйинни бой бердик. Назаримда, бунга кўпроқ ҳимоядаги қўпол хатолар, ҳужумчиларнинг суст­кашлиги ва журъатсизлиги сабаб бўлди. Ҳар доимгидек гол кутдик, гол урадиган азамат топилмади. Ўйинчиларимизда майдонда тез югуриш, тез фикрлаш, тез очилиш, тўпни тез ошириш, голга ташналик, масъулиятни зиммасига олиш етишмаётгандек туюлди. Тўғри, футболчиларимиз ғалаба ҳақида ўйлашган, аммо орзунинг ўзи билан мақсадга етиб бўлмайди. Бунинг учун айнан куч-ғайрат, тезкор ҳужум, кутилмаган комбинациялар керак бўлади. Дунё тажрибаси шуни кўрсатмоқда.

Осиё чемпионатида мезбонлар — баҳрайнликларни енгиб, жаҳон чемпионати йўлланмасини қўлга киритган вьетнамлик футболчилар иродаси, жасоратига қойил қолдик. Улар ниманинг ҳисобидан бундай ғалабага эришди, мураббийи ким, тайёргарликни қаерда, қандай ўтказишди? Илғор тажрибаларга қизиқайлик, ўрганайлик! Керак бўлса, селекция ишларини такомиллаштирайлик, хориждан бир йилга эмас, камида 3-4 йилга аниқ талаб билан мураббий чақирайлик. Қачонгача армонда юрамиз?!

Энди бутун умидимиз миллий терма жамоамиздан. Қуръа бу сафар ҳам қулай келди. Энди ҳаммаси ўзимизга боғлиқ. Умуман олганда, терма жамоамиз биринчи даврани яхши ўтказаяпти – тўққиз очко! Гуруҳда иккинчи ўрин ёмон натижа эмас. 15 ноябрда Жанубий Корея футболчилари билан курашга дадил киришиб, очко олишимиз керак. Ке­йин қиш­бўйи ҳар қачонгидан-да қаттиқ тайёрланиш зарур бўлади. Жаҳон чемпионатига йўлланмани қўлга киритиш учун имкониятимиз етарли. Фақат ишонч билан курашмоқ даркор. Биз мухлислар футболчиларимизни доим қўллаб келганмиз, қўллайверамиз.

 

Сайди УМИРОВ,

 Ўзбекистон Республикасида хизмат кўрсатган ёшлар мураббийси, ёзувчи.


Фикр ва мулохазалар

Защита от автоматических сообщений

Сўнгги янгиликлар: