Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
29.10.2016

«АЁЛЛАР СОҒЛИҒИ — ЖАМИЯТ БОЙЛИГИ»

лойиҳаси давом этмоқда

Ўзбекистон ХДП Марказий Кенгаши ташаббуси билан йўлга қўйилган «Аёллар соғ­лиғи — жамият бойлиги» ло­йиҳаси ҳудудларда муваффақиятли давом этмоқда. Тошкент вилоят партия кенгаши «Фаол аёллар» қаноти соғлиқни сақлаш бошқармаси билан ҳамкорликда ушбу лойиҳа доирасида Янгийўл туманида давра суҳбати ҳамда тиббий акция ўтказди.

— «Соғлом она ва бола йили» Давлат дастурида оналик ва болаликни муҳофаза қилишни янада такомиллаштириш, тиббий хизматлар сифатини ошириш муҳим вазифа сифатида белгиланган, — деди Республика репродуктив саломатлик маркази ходими Сурайё Жалолова. — Оналар ва болалар саломатлиги жамият мустаҳкамлигининг кафолатидир. Соғ­лом авлодни вояга етказишда нафақат тиббиёт ходимлари, балки барча бирдек масъул эканини аҳоли орасида кенг тарғиб қилиш, ҳаётий мисоллар орқали тушунтиришимиз лозим.

Маълумотларга кўра, юртимизда камолга етаётган болаларнинг тўқсон икки фоизи ривожланиш кўрсаткичлари бўйича Жаҳон соғлиқни сақлаш ташкилоти стандартларига мос келади. Лекин жойларда ечимини кутаётган масалалар ҳам учраб турибди. Хотин-қизларнинг тиббий маданиятини юксалтириш, соғ­лом турмуш тушунчасининг мазмун-моҳиятини кенг очиб бериш ишларида барча фаолларни бирдамликка чақирган бўлар эдим.

— Электорат вакиллари ўртасида мустаҳкам оила қуриш шартларига бағишланган турли тадбирлар ўтказиб келиняпти, — деди Тошкент вилоят партия кенгаши сектор мудири Гули Абдураҳимова. — Олис ҳудудларда ҳам ҳамкор ташкилотлар вакиллари, мутахассислар иштирокида давра суҳбатлари ташкил этиляпти. Жойларда опа-сингилларимизни ўйлантираётган масалаларни ўрганишга, уларнинг таклифлари асосида назорат таҳлил ишларини амалга оширишга ҳаракат қиляпмиз.

Давра суҳбати давомида ҳудудий партия ташкилотлари ҳамда маҳаллий Кенгашлардаги ЎзХДП гуруҳлари томонидан тиббиёт муассасалари моддий-техник базасини мустаҳкамлаш, оилавий поликлиникалар, қишлоқ врачлик пунктлари фаолиятини яхшилаш, уларни малакали мутахассислар билан таъминлаш борасида олиб борилаётган ишлар тўғрисида фикр-мулоҳазалар билдирилди. Ногирон болаларга реабилитация хизмати кўрсатиш сифатини яхшилаш бўйича амалга оширилаётган ишлар устидан депутатлик ва жамоатчилик назорати ўрнатилгани таъкидланди. Бу масалалар партия дастурий мақсадларига бевосита ҳамоҳанг бўлиб, келгусида амалий ишларни кўпайтириш бўйича таклифлар ўртага ташланди.

Тадбир доирасида тумандаги «Эски Қовунчи» қишлоғи аҳолиси учун малакали мутахассислар жалб этилган ҳолда чуқурлаштирилган бепул тиббий кўрик ўтказилди.

 

Зилола УБАЙДУЛЛАЕВА,

«Ўзбекистон овози» мухбири.



DB query error.
Please try later.