29.10.2016

ФАОЛЛИК ВА МАСЪУЛИЯТ — АСОСИЙ ТАЛАБ

Қарши шаҳридаги 18-сайлов участкасида Ўзбекистон Республикаси Президенти сайловини ўтказувчи участка сайлов комиссиялари фаолиятини самарали ташкил этишга бағишланган семинар-тренинг бўлиб ўтди.

13-Қашқадарё округ сайлов комиссияси аъзолари ва экспертлари, вилоят адлия, фавқулодда вазиятлар, ички ишлар бошқармалари, Фуқаролик жамияти шаклланишини мониторинг қилиш мустақил институти вилоят ҳудудий бўлинмаси масъул ходимлари, шаҳар ва туман ҳокимликлари ташкилий-назорат гуруҳи раҳбарлари, участка сайлов комиссиялари раислари, котиблари, журналистлар иштирок этган тадбирда Ўзбекистон Республикаси Президенти сайловини ўтказувчи участка сайлов комиссиялари фаолиятини самарали ташкил этиш масаласига алоҳида эътибор қаратилаётгани таъкидланди.

— Вилоятда Ўзбекистон Республикаси Президенти сайловини ўтказувчи 884 сайлов участкаси тузилиб, шахсий таркиби тасдиқланди, — дейди 13-Қашқадарё округ сайлов комиссияси раиси И.Жўраев. — Сайловга тайёргарлик кўриш ва уни ўтказишда участка сайлов комиссияларининг ўрни муҳим аҳамият касб этади.

Семинарда «Ўзбекистонда яратилган миллий сайлов тизимининг ҳуқуқий асослари», «Сайлов жараёнларида фуқаролик жамияти институтларининг иштироки», «Сайловлар ош­коралигини таъминлашда оммавий ахборот воситаларининг роли», «Сайлов участкаларидаги тиббиёт, она ва бола хоналарининг жиҳозланиши ва улар фаолиятини йўлга қўйиш», «Сайлов участкаларида хавфсизлик чораларини таъминлаш» каби мавзуларда маърузалар тингланди.

Тадбирда сайловга тайёргарлик жараёни хусусида жамоатчиликни хабардор қилиб бориш, аҳоли, айниқса, биринчи марта овоз берадиган ёшларнинг сайлов қонунчилиги ҳақидаги билим ва тушунчаларини оширишга қаратилган тарғибот-тушунтириш ишлари юзасидан фикр алмашилди.

 

Ў.БАРОТОВ,

ЎзА мухбири.



DB query error.
Please try later.