Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
27.10.2016

ОРОМГОҲДА ОИЛАВИЙ БЎЛИМ

«Бир келсам баҳор эди, субҳидам наҳор эди»... Бундай шоирона ташбеҳни ўқиганда, гўзал Фарғона водийсидаги «Чимён» оромгоҳининг чиройи кўз ўнгимда гавдаланаверади, — дейди таниқли қизиқчи Абдураҳмон Сиддиқов. — Дам олувчилар билан учрашувлар эса ҳамиша қизиқарли ва файзли ўтади. Бу сафар Марҳабо ва Абдулҳай Каримовлар билан йиғилганлар кўнглини ҳушнуд этишга ҳаракат қилдик. Айниқса, оналари билан бу ерга келган болажонларнинг қувончини кўриб, биз ҳам таъсирландик.

— Соғлом она ва бола йили муносабати билан алоҳида Оилавий бўлимни ташкил қилишимиз ўз самарасини бермоқда, — дейди «Чимён» оромгоҳи бош шифокори Каримжон Раҳмонов. — Махсус жиҳозланган қулай ва файз­ли хоналарда дам олиш, соғлиқни мустаҳкамлаш учун барча шароитлар яратилган. Болажонларнинг ўз оналари назорати остида бўлиши уларнинг тез соға­йиб, куч-қувватга кириши кузатилмоқда. Бундан ташқари, болаларнинг мусаффо тоғ ҳавосидан баҳраманд бўлиши уларнинг ўсиб, ривожланишида муҳим аҳамиятга эгалиги кўз ўнгимизда ўз ифодасини топмоқда. Дам олувчиларнинг кўнглини олиш, уларга маданий-маиший хизматлар кўрсатиш ишларига алоҳида эътибор қаратиляпти.

— Ташхис ва муолажа ишлари ер тагидан қайнаб чиқувчи маъданли иссиқ сув билан даволаш асосида олиб борилади, — дейди даволовчи шифокор Шаҳриддин Бобохонов. — Иссиқ сув таркибида олтингугурт маъданининг кўплиги турли хасталиклар, хусусан, нафас олиш йўллари, бод, бўғинларда туз йиғилиши каби дардларни даволашда яхши натижалар бермоқда. Бунинг учун сув билан уқалаш, ванна ёки баданга сув пуркаш каби даволовчи усуллардан фойдаланиш дардмандларнинг тезроқ тузалиб, қувватга кириши ва саломатлигини мустаҳкамлашда муҳим аҳамият касб этмоқда. Шунингдек, даволаш гимнастикаси, физиотерапия ҳамда балчиқ лойи усулларини кўпчилик маъқул кўради.

Тоғлар қуршовидаги бу оромгоҳ хушҳаволиги, минг дардга даволиги, оилавий бўлим яратилгани, ширин сўз­ли, малакали ходимлари билан эътибор қозонмоқда, эътироф этилмоқда.

 

Эргаш ХОЛҚОСИМОВ,

меҳнат фахрийси.



DB query error.
Please try later.