Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
20.10.2016

НАВҚИРОН АВЛОД КАМОЛОТИ ДОИМИЙ ЭЪТИБОРДА

Оҳангарон туманида «Ўзбекистон Республикасининг «Ёшларга оид давлат сиёсати тўғрисида»ги қонунининг ёш авлод камолотида тутган ўрни» мавзусида давра суҳбати бўлиб ўтди.

Ўзбекистон Халқ демократик партияси Тошкент вилояти кенгаши томонидан ташкил этилган тадбирда Ўзбекистон Республикаси Олий Мажлиси Қонунчилик палатаси ва халқ депутатлари вилоят Кенгаши депутатлари, умумтаълим мактаблари, ўрта махсус, касб-ҳунар таълими муассасалари педагоглари, ёшлар ва оммавий ахборот воситалари ходимлари иштирок этди.

Ўзбекистон ёшлари ўзининг истеъдоди ва салоҳияти билан дунё аҳлини лол қолдираётгани, илм-фан, ишлаб чиқариш, маданият, санъат, спорт ва бошқа соҳаларда буюк аждодларга муносиб ворислар эканини исботлаётгани алоҳида таъкидланди. Эришилаётган ютуқларнинг барчаси Биринчи Президентимиз Ислом Каримов раҳнамолигида мустақиллик йилларида амалга оширилган ёшларга оид давлат сиё­сатининг амалий самараларидир.

— Ўзбекистон Республикасининг Конс­титуцияси, «Таълим тўғрисида»ги ва бош­қа қонунлар, қатор фармон ва қарорлар, дастурлар ёшларнинг замонавий билим олиши, истеъдодини юзага чиқариши, банд­лигини таъминлаш, уларни ижтимоий ҳимоя қилиш, ватанпарварлик, миллий ва умуминсоний қадриятларга ҳурмат руҳида тарбиялашда муҳим дастуриламал бўлиб хизмат қилмоқда, — дейди Олий Мажлис Қонунчилик палатаси депутати Шуҳрат Турсунбоев. — Жорий йил 15 сентябрдан кучга кирган Ўзбекистон Республикасининг «Ёшларга оид давлат сиёсати тўғрисида»ги қонуни ҳам, аввало, фарзандларимиз келажагини таъминлашдек олий мақсадни кўзлайди.

Асосан педагоглар ва ёшлар иштирок этган йиғилишда мазкур қонуннинг мазмун-моҳияти ҳамда «Мамлакатимизда амалга оширилаётган ёшларга оид давлат сиёсатининг ҳуқуқий, ижтимоий ва ташкилий асослари», «Ёшларнинг ижтимоий-сиёсий ва ҳуқуқий фаоллигини янада ривожлантиришга қаратилган лойиҳалар аҳамияти», «Партия дастурий мақсад ва ғояларида ёшлар масаласи» мавзуларида маърузалар тингланди.

Тадбирда партия томонидан амалга оширилаётган «Коллеждан — корхонага» мақсадли лойиҳаси доирасида ўтказилаётган семинар, меҳнат ярмаркалари ҳамда ёшларнинг ижтимоий-сиёсий фаол­лигини ошириш, ёш сиёсатчиларни шакллантириш мақсадида ташкил этилган «Ёш сиёсатчи» кўрик-танлови хусусида атрофлича маълумот берилди.

 

И.АВВАЛБОЕВ,

ЎзА мухбири.


Фикр ва мулохазалар

Защита от автоматических сообщений

Сўнгги янгиликлар: