Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
18.10.2016

УЧАСТКА САЙЛОВ КОМИССИЯСИ АЪЗОЛАРИ ИШ БОШЛАДИ

Ўзбекистон Республикаси Президенти сайловини ўтказувчи 10-Тошкент вилояти округ сайлов комиссиясининг навбатдаги мажлиси бўлиб ўтди.

Округ сайлов комиссияси аъзолари, округ сайлов комиссияси матбуот маркази ходимлари ва журналист­лар иштирок этган мажлисда 10-Тошкент вилояти округи ҳудудидаги участка сайлов комиссиялари аъзоларининг таркибини тасдиқлаш масаласи кўриб чиқилди.

Вилоятда ташкил этилган 875 сайлов участкасида 1 миллион 943 минг 289 сайловчининг овоз бериши кутилмоқда. Участка сайлов комиссиялари ва овоз бериш биноларининг манзили, сайлов участкасининг чегараси тўғрисидаги маълумотлар матбуотда эълон қилинди. Сайлов участкалари давлат рамзлари, замонавий ахборот-коммуникация технологиялари, мебель ва зарур адабиётлар билан таъминланди. Сайлов қонунчилигига оид маълумотлар, сайловчилар ҳуқуқ ва мажбуриятлари тўғрисидаги тарғибот воситалари кўринарли жойга осиб қўйилишига эътибор қаратилди.

Халқ депутатлари туман ва шаҳар Кенгашлари сессияларида «Ўзбекистон Республикаси Президенти сайлови тўғрисида»ги қонун талабларига мувофиқ сайлов участкалари комиссиялари таркибига номзодлар тавсия этилди. Номзодлар орасида педагоглар, корхона ва ташкилотлар раҳбарлари, фуқароларнинг ўзини ўзи бошқариш органлари вакиллари кўпчиликни ташкил этади.

— Участка сайлов комиссиялари раиси, унинг ўринбосари, котиби ва аъзолари учун кўрсатилган номзодлар таркибининг 52 фоиздан ортиғи аёллардир, — дейди 10-Тошкент вилояти округ сайлов комиссияси раиси Ҳ.Ҳамидов. — Номзодларнинг 68 фоиздан ортиғи илгари участка сайлов комиссиялари таркибида фаолият кўрсатган. Бу муҳим сиёсий тадбирнинг юксак савияда ўтишини таъминловчи омиллардан бири бўлиб хизмат қилади.

Йиғилишда кўрилган масалалар бўйича тегишли қарорлар қабул қилинди.

Оммавий ахборот воситалари ходимлари учун брифинг ташкил этилди. Унда 875 участка сайлов комиссиясига 8 минг 173 аъзо тар­киби тасдиқлангани ҳамда вилоятда сайловни ўтказишга тайёргарлик ишларининг бориши ҳақида атрофлича маълумот берилди.

 

И.АВВАЛБОЕВ,

ЎзА мухбири.


Фикр ва мулохазалар

Защита от автоматических сообщений

Сўнгги янгиликлар: