Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
13.10.2016

ЭЛЕКТОРАТ МАНФААТЛАРИ САМАРАЛИ ҲИМОЯ ҚИЛИНМОҚДА

Ўзбекистон ХДП ҳудудий кенгашлари қошида фаолият юритаётган Жамоатчилик қа­булхоналари одамлар оғирини енгил қилиш, электорат манфаатларини ҳимоялашда муҳим аҳамият касб этмоқда. Ҳар бир мурожаатга алоҳида эътибор ва масъулият билан ёндашилаётгани партиямиз қабулхоналарига ишончни оширяпти.

— Сиёсий партия зиммасида ўз электорати манфаатларини ҳимоя қилиш, уларни ўйлантираётган масалаларни ҳал этиш вазифаси туради, — дейди ЎзХДП Бухоро вилоят кенгаши раиси ўринбосари Шоҳиста Набиева. — Ўтган йиллар давомида вилоят партия кенгашида бу борада ўзига хос тажриба тўпланди. Жойларда фуқаролардан тушаётган мурожаатларни ўрганиш ва уларга ечим топиш мақсадида 13 та Жамоатчилик қабулхонаси фаолият юритмоқда.

Қабулхоналарга фуқаролардан турли мазмундаги мурожаатлар тушяпти. Улар партия фаоллари, депутатлар ҳамда мутасадди идора ва ташкилотлар ҳамкорлигида ижобий ечим топяпти. Шу билан бирга, ҳудудларни ижтимоий-иқтисодий ривожлантириш масалалари ҳам ҳал этилмоқда. Жорий йилнинг ўтган даврида қабулхоналарга 750 га яқин мурожаат бўлди. Уларнинг ҳозиргача 70 фоизи ижобий ҳал этилди. Қолганлари бўйича ҳуқуқий маслаҳатлар берилди.

Маълумотларга кўра, мурожаатларнинг асосий қисми коммунал хизматлар сифатини ошириш, иш билан таъминлаш, соғ­лиқни сақлаш, халқ таълими, банкдан кредит олиш масалалари билан боғлиқ. Албатта, мурожаатларда ижтимоий муаммолар кўтарилади, саволлар ўртага ташланади. Шунинг учун турли соҳа мутасаддилари ва мутахассислари билан доимий алоқа йўлга қўйилган. Бу жараёнда, айниқса, депутатлар фаоллик кўрсатмоқда. Натижада одамларни ўйлантираётган масалалар ўз вақтида ва самарали ҳал этилмоқда.

— Туманимиздаги партия кенгашига бир масала юзасидан борган эдим. Жамоатчилик қабулхонасига мурожаат қилишимни айтишди, — дейди Пешку туманидан Мусо Жабборов. — Ҳудудимизда газ таъминотида узилишлар бўлиб туради. Бу эса кўпгина ноқулайлик туғдирмоқда. Туман Кенгаши депутати Авезмурод Ниёзовга раҳмат. Ушбу масалани ўрганиб чиқди, биз учун елиб-югурди. Туман газ таъминоти мутасаддилари билан ҳамкорликда мурожаатим ижобий ечим топди.

— Фарзандимга нафақа пули олиш учун турли ташкилот ва идораларга бордим, маҳалламиз фаолларидан маслаҳат сўрадим. Ҳадеганда ишим битавермади, — дейди пешкулик Зарифа Эргашева. — Кўплаб ҳужжатлар, маълумотномалар керак эди. Болам ҳали кичкина бўлгани боис, уларни йиғишда бироз қийналдим. Шунда маҳалламизда Ўзбекистон ХДП кўчма Жамоатчилик қабулхонаси ташкил этаётгани тўғрисида эшитиб, у ерга бордим. Мурожаатим туман Кенгаши депутати Анна Исматова ёрдами билан ҳал қилинди.

— Авваллари партия ўтказган турли тадбирлар, давра суҳбатларида иштирок этган бўлишимга қарамай, унинг фаолияти тўғрисида тўлиқ тушунчага эга эмасдим, — дейди Бухоро туманидан Фарангиз Олимова. — Мутахассислигим бўйича ишга жойлашишда ёрдам сўраб, партия Жамоатчилик қабулхонасига бордим. Тез орада масала ижобий ечим топди. Туман Кенгаши депутати Ҳилола Мирзаева кўмагида 3-умумтаълим мактабига ишга жойлашдим. Партиянинг ғояларига қизиқишим кучайди, қилаётган ишларига ишончим ортди. Биз каби ёшларни қўллаб-қувватлаётган партия фаолларидан мамнунман.

Ушбу фикр-мулоҳазалардан келиб чиқиб хулоса қилиш мумкинки, электорат мурожаатлари, муаммоларига эътиборсиз бўлмаган партия ташкилоти, депутатлар эл-юрт орасида ҳурмат қозонади.

 

Зилола УБАЙДУЛЛАЕВА,

«Ўзбекистон овози» мухбири.



DB query error.
Please try later.