Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
04.10.2016

САЙЛОВ УЧАСТКАЛАРИ САЙЛОВЧИЛАРГА ҚУЛАЙ ТАРЗДА ТУЗИЛАДИ

Ўзбекистон Республикаси Президенти сайловини ўтказувчи 7-Самарқанд округ сайлов комиссия­сининг навбатдаги йиғилиши бўлиб ўтди. Унда округ ҳудудида сайлов участкаларини тузиш ҳақидаги масала кўриб чиқилди.

«Ўзбекистон Республикаси Президенти сайлови тўғрисида»ги қонунга кўра, сайлов участкалари туманлар, шаҳарлар, шаҳарлардаги туманларнинг чегараларини инобатга олган ҳолда, сайловчиларга мумкин қадар кўпроқ қулайлик яратиш мақсадида тузилади, — деди округ сайлов комиссияси раиси Фармон Тошев. — Сайлов участкалари сайловга камида олтмиш кун қолганда тузилади. Овоз беришни ташкил этиш учун ҳар бир сайлов участкасига туман, шаҳар ҳокимлиги бино ажратади. Округ сайлов комиссияси участка сайлов комиссиясининг ва овоз бериш биносининг жойлашган ерини кўрсатган ҳолда ҳар бир сайлов участкасининг чегаралари тўғрисида сайловчиларни хабардор этишни ташкил қилади.

Округ сайлов комиссияси Самарқанд вилоятидаги сайловчилар умумий сони 2 миллион 373 минг 738 нафарни ташкил этишини инобатга олиб, округ бўйича 1030 та сайлов участкаси тузиш тўғрисида қарор қабул қилди. Мазкур сайлов участкалари жойлашган манзил, унинг маркази ва чегаралари ҳақидаги маълумотлар матбуотда эълон қилинади.

Мажлисда вилоятда Ўзбекистон Республикаси Президенти сайловига тайёргарликнинг бориши ва сайлов жараёни холисона ёритиб борилишини таъминлаш мақсадида оммавий ахборот воситалари вакилларини аккредитациядан ўтказиш тўғрисида қарор қабул қилинди.

Мажлисда комиссия ваколатига оид бошқа масалалар ҳам кўриб чиқилиб, улар юзасидан тегишли қарорлар қабул қилинди.

Шу куни оммавий ахборот воситалари ходимлари учун брифинг ҳам ўтказилди. Унда 7-Самарқанд округ сайлов комиссия­си раиси Фармон Тошев комиссиянинг навбатдаги мажлисида муҳокама этилган масалалар, Президент сайловига тайёргарликнинг бориши ҳақида атрофлича маълумот берди.

 

Абдурасул САТТОРОВ,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: