01.10.2016

АЁЛЛАР СПОРТ БАЙРАМИ

кўтаринки руҳда ташкил этилди

Республика Хотин-қизлар қўмитаси томонидан Тошкент ­Халқаро Вестминстер университети спорт мажмуасида Ўқитувчи ва мураббийлар куни ҳамда ­Соғлом она ва бола йилига бағишлаб спорт мусобақаси ўтказилди.

Ўзбекистон Касаба уюшмалари федерацияси кенгаши, Маданият ва спорт ишлари, Олий ва ўрта махсус таълим вазирликлари ҳамкорлигида ташкил этилган ушбу мусобақада олий таълим масканларининг аёл педагоглари қатнашди.

Тадбирни Бош вазир ўринбосари, Республика Хотин-қизлар қўмитаси ­раиси Элмира Боситхонова кириш сўзи билан очди.

Таъкидландики, Хотин-қизлар қўмитаси томонидан ўқув масканларидаги давомат ва ўзлаштиришни доимий таҳлил этиб бориш, ёшлар, айниқса, қиз болаларнинг маънавий-ахлоқий тарбия­сини тўғри шакллантиришда ўқитувчилар жамоасига яқиндан кўмаклашиш юзасидан кенг кўламли ишлар амалга оширилмоқда. Ўсмир қизлар, талабалар, уй ­бе­калари, меҳнат жамоаларидаги ­мутахассис аёллар учун спорт ­фестиваллари, спартакиадалар мунтазам ўтказилмоқда.

Мазкур тадбир ҳам ана шу ишларнинг изчил давоми бўлди. Бундай спорт мусобақалар аёлларни, оилада, таълим масканида, жамиятимизда спортга қизиқишни янада кучайтиришдек эзгу мақсадларга хизмат қилади.

Мусобақада Тошкент Халқаро ­Вестминистер университети, Тошкент давлат шарқшунослик институти, Тошкент темир йўл муҳандислари институти, Тошкент фармацевтика институти ва Тошкент автомобиль йўллари институти ҳамда Москва давлат университетининг Тошкент шаҳар филиали ўқитувчилари ўртасида «Қувноқ старт­лар» спорт мусобақаси юксак даражада ташкил этилди. Унда аёл педагогларнинг чаққонлик, зийраклик, эпчиллик фазилатлари яна бир карра намоён бўлди.

Иштирокчиларга диплом ва эсдалик сов­ғалари топширилди.

 

Бардамбек САЪДУЛЛАЕВ,

«Ўзбекистон овози» мухбири.



DB query error.
Please try later.