Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
01.10.2016

СИЗГА ТАЪЗИМ, УСТОЗЛАР

Ўқитувчи ва мураббийлар куни муносабати билан Ўзбекистон Халқ демократик партияси Марказий Кенгаши, ташкилотлари томонидан мамлакатимизнинг барча ҳудудларида маънавий-маърифий тадбирлар ўтказилмоқда. Ана шундай тадбирлардан бири пойтахтимизнинг Мирзо ­Улуғбек туманида ташкил этилди.

— Биз ўқиган пайтлардаги ­мактаб билан ҳозирги кун мактабларини асло таққослаб бўлмайди, — деди меҳнат фахрийси ­Собир ­Қурбонов. — Бугунги чет тилларини ўрганиш учун ташкил этилган лингафон хоналари у ёқда турсин, ҳатто физика, химия дарсларида лаборатория жиҳозлари йўқ эди. Шунинг учун ўқитувчимиз доскага чизиб, табиат қонунларини тушунтиришга ҳаракат қиларди. Лекин кейин билсам, физика, кимё қонунларини қора доскага чизилган узуқ-юлуқ шакллар, тенглама ва теоремалар билан тўлиқ тушуниб бўл­мас экан. Ўтган асрда таълим муассасаларининг асосий қисми мослаштирилган биноларда жойлашганди, уларни мактаб, де­йишга тил бормасди. Бугун фарзандларимиз замонавий ўқув даргоҳ­ларида таҳсил олиш бахтига муяссар бўлди. Бундай қулайликдан самарали фой­даланиш, илм-фан чўқ­қиларини забт этиб, юртимиз номини дунё­га ёйиш уларнинг асосий вазифаси, деб ҳисоблайман.

— Партиямиз Сайлов­олди дастурида таълим масаласига алоҳида эътибор қаратилган, — деди Олий Мажлис Қонун­чилик палатаси депутати, ЎзХДП фракцияси аъзоси Аҳад Аҳмедов. — Шунинг учун партия ташкилотларимиз, депутатлар ўқув муассасаларидаги шарт-шароитларни яхшилаш, ўқитувчиларнинг масъулиятини ошириш бўйича муайян ташаббусларни илгари сурмоқда. Ҳаммамизга маълум, мустақиллик йилларида таълим тизимини замонавий мезонлар асосида такомиллаштиришга қаратилган мустаҳкам қонунчилик базаси яратилди. Минглаб янги ­таълим муассасалари барпо этилди.

Шунингдек, мактаб таълимини ривожлантириш Давлат умуммиллий дастури асосида ўқитувчилар меҳнатини рағбатлантириш, педагогларни қайта тайёрлаш ва малакасини ошириш тизими тубдан такомиллаштирилди. Истеъдодли, ўз касбига содиқ педагогларни қўллаб-қувватлашнинг янги механизми жорий этилди. Ҳар йили уларнинг бир гуруҳи мамлакатимизнинг юксак унвон ва мукофотлари билан тақдирланмоқда. Буларнинг барчаси устозлар, ўқитувчи ва мураббийларга халқимиз, давлатимизнинг ҳурмати чексиз эканини англатади, деб ўйлайман.

— Мамлакат тақдири, унинг келажаги қандай бўлиши болаларимиз бугун қандай таълим-тарбия олаётганига боғлиқ, — деди Ўзбекистон халқ ­артисти Гавҳар Зокирова. — Айниқса, ҳозирги таҳликали, мураккаб замонда уларнинг онгу шуурини эгаллашга, дунёқарашини ёт ғоялар билан заҳарлашга уринишлар авж олган. Демак, биздан ҳар қачонгиданда кўпроқ меҳнат ва изланиш, фидойилик талаб этилади. Ёшларга ҳар томонлама ўрнак бўлишимиз лозим.

Тадбирда, шунингдек, ЎзХДП Тошкент шаҳар кенгаши раиси ­Ҳайдар Бобохонов, иқтисод фанлари доктори, ­профессор Шарбат ­Абдуллаева ва бош­қалар ўқитувчи ва мураббийларни касб байрами билан табриклаб, уларнинг фидокорона меҳнатлари ҳақида илиқ фикрлар билдиришди.

 

Зилола УБАЙДУЛЛАЕВА,

«Ўзбекистон овози» мухбири.



DB query error.
Please try later.