Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
29.09.2016

ҲАЙВОНОТ ВА ЎСИМЛИК ДУНЁСИ МУҲОФАЗАСИ ЙЎЛИДА

Пойтахтимизда «Экомактаб» экологик-ресурс маркази томонидан «Атроф-муҳит муҳофазасида қонунчиликнинг профилактик бузилиш талаблари ва CITES конвенцияси мажбуриятларини бажаришда кўмаклашиш» лойиҳаси доирасида янги ахборот маҳсулоти тақдимоти бўлиб ўтди.

Ушбу лойиҳа атроф-муҳит муҳофазаси ва биологик хилма-хилликни ҳимоя қилишда давлат ва нодавлат нотижорат ташкилотлари ўртасидаги ижтимоий ҳамкорликни янада ривожлантиришга хизмат қилмоқда.

Тадбирда мамлакатимизда мустақиллик йилларида экологик муаммоларни бартараф этиш ва уларнинг салбий таъсири олдини олишга алоҳида эътибор қаратилаётгани таъкидланди. Экотизимлар ва атроф-муҳитнинг табиий ҳолатини сақлаш, табиий ресурслардан оқилона фойдаланиш ва уни қайта тиклаш ишлари изчиллик билан бажарилмоқда.

Лойиҳа доирасида тасвирий-кўргазмали қўлланма тайёрланди. Мазкур нашр Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бош­қа инс­титутларини қўллаб-қувватлаш жамоат фонди лойиҳаси асосида ишлаб чиқилди. Уни тайёрлашда Ўзбекистон Республикаси Фанлар академияси Ўсимлик ва ҳайвонот олами генофонди институти, Бутунжаҳон ёввойи табиатни асраш фонди, Ўзбекистон Республикаси Табиатни муҳофаза қилиш давлат қўмитасининг етакчи мутахассислари иштирок этди.

Ёввойи ўсимлик ва ҳайвонлар халқ­аро савдоси кундан-кунга авж олиб бормоқда. Бу каби тижорат, айниқса, ўсимлик ва ҳайвонларнинг у мамлакатдан бу мамлакатга ноқонуний олиб ўтилиши, улар турларининг борган сари камайиб кетишига сабаб бўлмоқда.

Ушбу қўлланмадан кўзланган мақсад — ўсимлик ва ҳайвонлар турларини аниқлашда божхона ходимларига кўмак бериш, уларнинг баъзи турларини ноқонуний олиб кириш ва олиб чиқиш, конвенцияда белгиланган ҳамда йўқолиб кетиш хавфи бор ёввойи флора ва фауна ҳақида тушунчалар беришдан иборат. Қўлланмада Ўзбекистон «Қизил китоб»ига киритилган, CITES иловасига қўшилган ўсимлик ва ҳайвонлар, ов ўлжалари — оммавий экспорт объектлари ҳақида атрофлича маълумот келтирилган.

Тадбирда журналистлар ўзларини қизиқтирган саволларга мутахассислардан жавоб олди.

 

Н.НАСРИЕВ,

ЎзА мухбири.



DB query error.
Please try later.