29.09.2016

БИРИНЧИ БОСҚИЧ ЮҚОРИ САВИЯДА ЎТДИ

Партиямиз Сайловолди дастурида жамиятни янгилашда хотин-қизларнинг фаол иштирокини таъминлаш, ҳуқуқ ва эркинликларини ҳимоя қилиш бўйича қатор вазифалар белгиланган. Уларни амалга оширишда партиямиз «Фаол аёллар» қаноти томонидан илгари сурилаётган ташаббуслар муҳим ўрин тутмоқда.

Хотин-қизларнинг сиёсий-ҳуқуқий билимини ошириш, ташкилотчилик қобилиятини шакл­лантиришга хизмат қилаётган «Ўзбекистон ХДПнинг энг фаол аёли» кўрик-танлови бу борада алоҳида аҳамиятга моликдир. Жорий йилнинг август ойида унинг биринчи — туман, шаҳар босқичи ўтказилди. Танловнинг илк босқич якунлари ҳақида партия фаолларининг фикрлари билан қизиқдик.

 

Гулшан АСАТОВА, ЎзХДП Марказий Кенгаши сектор мудири:

— Кўрик-танловнинг дастлабки босқичи барча ҳудудларда тасдиқланган низом талабларига мувофиқ ўтказилди. Хотин-қизлардан қатнашиш истаги билдирилиб, 2,5 мингдан ортиқ мурожаат тушгани танловга қизиқиш юқори бўлганини кўрсатади. 1-босқичда 2000 нафарга яқин опа-сингилларимиз қатнашди. Ғолиблар кейинги босқичда иштирок этиш учун йўлланма олди. Кўрик-танлов жараёнида 1800 нафардан ортиқ хотин-қиз партиямиз сафига қабул қилиниб, уларга аъзолик гувоҳномалари топширилди.

Танловнинг 2-босқичи ноябрь ойида Ўзбекистон ХДП Қорақалпоғистон Республика, вилоятлар ва Тошкент шаҳар кенгашлари томонидан ўтказилади. Ҳозир тайёргарлик ишлари олиб борилмоқда.

 

Нилуфар ШАЙМАНОВА, ЎзХДП Сурхондарё вилоят кенгаши сектор мудири:

— Танловни ўтказиш давомида хотин-қизларни ҳар томонлама қўллаб-қувватлаш борасида олиб борилаётган ислоҳотлар кенг тарғиб қилинди. Фидойи аёлларга ҳурмат ва эҳтиром кўрсатилди. Умуман, биринчи босқич туман ва шаҳарларимизда юқори савияда ташкил этилди. Иштирокчилар партиямиз электорати манфаатларига қаратилган, ҳаётий масалалар кўтарилган лойиҳаларни тақдим этишди. Бу лойиҳаларни қўллаб-қувватлашимиз, ташаббусларни амалга оширишга кўмаклашишимиз зарур. Чунки партиямиз электорати манфаатлари учун хизмат қиладиган таклифлар кўп бўляпти. Фақат ғолибларнигина эмас, ҳар бир иштирокчини рағбатлантириш масаласига эътибор қаратишимиз керак.

 

Санам ЖУМАМУРАТОВА, ЎзХДП Қорақалпоғистон Республика Кенгаши сектор мудири:

— Давлат ва жамият бошқарувини демократлаштиришда хотин-қизлар иштирокини кучайтириш катта аҳамиятга эга. Партиямизнинг Сайловолди дастурида ҳам уларнинг ижтимоий-сиёсий фаоллигини ошириш, демократик ислоҳотларга дахлдорлик туйғусини кучайтириш масалаларида муҳим вазифалар белгиланган. Мазкур кўрик-танлов уларнинг ижросига хизмат қиляпти, деб ўйлайман.

Бизнинг ҳудудда ҳам «Ўзбекистон ХДПнинг энг фаол аёли» кўрик-танловига қизиқиш билдираётган, унда иштирок этиш истагида бўлганлар оз эмас. Буни жорий йилги мурожаатлар сони ўтган йилдагига нисбатан анча кўп бўлганидан ҳам билиш мумкин.

Илк босқичда иштирокчилар пухта тайёргарликка эга эканини исботлашди. Айниқса, бу «Сиёсий ҳозиржавоблик» шартида яққол сезилди. Тайёргарлик жараёнида қатнашчилар хотин-қизлар ҳуқуқларига оид кўплаб қонун ҳужжатларини ўрганди, оналик ва болаликни муҳофаза қилиш бўйича амалга оширилаётган кенг кўламли ишлар билан яқиндан танишишди. Ўйлаймизки, танловнинг кейинги босқичлари янада қизиқарли ва самарали ўтади.

 

Гулруҳ ОДАШБОЕВА,

«Ўзбекистон овози» мухбири.



DB query error.
Please try later.