Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
27.09.2016

СОҒЛОМ АВЛОД ТАРБИЯСИГА

барчамиз бирдек масъулмиз

Қашқадарё вилоят кенгаши Қарши шаҳар кенгаши билан ҳамкорликда Республика акушерлик гинекология илмий-амалий тиббиёт маркази Қарши филиалида «Соғлом ва баркамол авлодни вояга етказишда аёлнинг ўрни» мавзусида давра суҳбати ўтказди.

Унда вилоят ва Қарши шаҳар партия кенгашлари масъул ходимлари, депутатлар, шифокорлар ва ҳамширалар иштирок этди.

Тадбирда оналар ва болаларга кўрсатилаётган тиббий хизмат, бу борадаги имтиёзлар ва имконият­лардан фойдаланиш даражасини ўрганиш, аниқланган муаммоларни халқ депутатлари маҳаллий Кенгашларидаги партия гуруҳлари томонидан бартараф этиш чораларини кўриш, ушбу жараёнларда «Фаол аёллар» қаноти аъзоларининг иштирокини кучайтириш масалалари хусусида сўз юритилди.

– «Аёллар соғлиғи – жамият бойлиги» лойиҳаси доирасида Қарши шаҳар Кенгаши депутатлари иштирокида шаҳардаги 6 оилавий полик­линикада тиббий кўрик ташкил этилди, – дейди Қарши шаҳар партия кенгаши раиси Рашид Муртозоев. – Оилавий поликлиникаларда хотин-қизлар ва болалар саломатлигига қаратилаётган эътибор, ҳомиладор аёлларга ғамхўр­лик ва 14 ёшгача бўлган болаларни эмлаш жараёнлари билан танишдик. Шуни ҳам айтиш керакки, шаҳримиздаги барча тиббиёт муассасаларида партиямизнинг бошлан­ғич ташкилотлари ташкил этилган. Партиямиз аъзолари сони малакали шифокорлар, тиб­биёт ходимлари билан ортиб бормоқда.

Партиямизнинг 2015-2019 йилларга мўлжалланган амалий Ҳаракат дастури асосида «Дори воситалари ва фармацевтика фаолияти тўғрисида»ги Қонун доирасида дорихоналар томонидан аҳолига кўрсатилаётган хизматларнинг аҳволи ўрганилди. Шаҳардаги 101 та дорихона шаҳар Кенгаши депутатлари иштирокида бевосита кўриб чиқилди. Аниқланган камчиликлар бўйича таҳлилий маълумот тайёрланмоқда.

– Қарши шаҳрида 260 минг нафардан ортиқ аҳоли истиқомат қилади. Туғиш ёшидаги аёллар 74 минг нафарга яқин, – дейди Республика акушерлик гинекология илмий амалий тиббиёт маркази Қарши филиали бўлим бошлиғи, ЎзХДП аъзоси Элнора Жуманазарова. – Асосий вазифамиз хотин-қизларнинг тиббий маданиятини мунтазам ошириб бориш ва уларни ўз саломатлигига бефарқ бўлмасликка ўргатишдир. Қарши шаҳар тиббиёт бирлашмасига қарашли кўп тармоқли Марказий поликлиникада жорий йилнинг 8 ойи давомида 1408 нафар никоҳланувчи тиббий кўрикдан ўтказилди. Соғлом ва баркамол авлодни тарбиялашда барчамиз бирдек масъулмиз.

 

Шаҳло ХУДОЙҚУЛОВА,

ЎзХДП Қашқадарё вилоят кенгаши сектор мудири.



DB query error.
Please try later.