Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
17.09.2016

ХАЛҚАРО КЎРГАЗМАДА

полиграфия ва қадоқлаш маҳсулотлари намойиш этилди

Пойтахтимизда Ўзбекистон Ташқи иқтисодий алоқалар, инвестициялар ва савдо вазирлиги, Савдо-саноат палатаси, «Ўзкимёсаноат» акциядорлик жамияти, Ўзбекистон матбуот ва ахборот агентлиги ва «ITE Uzbekistan» компанияси ҳамкорлигида «Полиграфия ва қадоқлаш — O’ZBEKinPRINT — O’ZuPACK — 2016» ҳамда «Кимё ва пластмасса саноати — Chemie & Plastex Uzbekistan — 2016» ­халқаро кўргазмалари бўлиб ўтди.

Унда Германия, Миср, Ҳиндис­тон, Италия, Канада, Хитой, Россия, Тайван, Туркия ва мамлакатимиздаги 50 дан ортиқ компания­ларнинг маҳсулотлари тақдим этилди. Кўргазмада саноат қадоқлаш ва полиграфия бозорининг энг янги йўналишлари намойиш этилди.

Кўргазмада компаниялар босма маҳсулотларга якка тартибдаги буюртмалар ҳамда катта тираждаги нашрларни тайёрлашга қодир бўлган йирик саноат объектлари учун қулай бўлган замонавий техник ускуналар билан иштирок этди.

«Кимё ва пластмасса саноати — Chemie & Plastex Uzbekistan — 2016» халқаро кўргазмасида соҳадаги ишланма ва тадқиқотлар натижалари, маҳсулот ва ­ускуналарнинг энг янги турлари, ишлаб чиқариш ва қайта ишлашнинг сўнгги технологиялари намойишга қўйилди.

— Ўзбекистонда пластмасса маҳсулотларини ишлаб чиқаришни ривожлантириш борасида катта ишлар қилинаётган экан, — дейди Хитойнинг «Konrun» ­компанияси бош директори George Xu. — Кўргазмага ­юртингиз бозори билан танишиш учун келдик. Ушбу тадбирдан сўнг «Жиззах» махсус индустриал зонасини кўздан кечирмоқчиман. У ердаги пластмасса заводларининг ишини кўриб, келажакда юртингиз тадбиркорлари билан биргаликда иш олиб боришни режалаштирганмиз.

Таҳлилларга кўра, Ўзбекистонда пластмасса маҳсулотлари ишлаб чиқаришга мўлжалланган ускуналар етказиб беришда ­Хитой етакчилик қилмоқда.

Кўргазмада намойиш этилган замонавий ускуналар маҳаллий маҳсулотлар ишлаб чиқариш ҳажмининг янада ортишига хизмат қилади.

 

Шаҳбоз САИДОВ


Фикр ва мулохазалар

Защита от автоматических сообщений

Сўнгги янгиликлар: