17.09.2016

ЛОЙИҲА ВА ДАСТУРЛАР ҚЎЛЛАБ-ҚУВВАТЛАНМОҚДА

Пойтахтимизда Олий Мажлис ҳузуридаги жамоат фонди маблағларини бошқариш бўйича Парламент комиссиясининг навбатдаги йиғилиши бўлиб ўтди. Унда Парламент комиссияси аъзолари, ижтимоий шериклик субъектлари – ижроия ҳокимияти органлари, фуқаролик жамия­ти инс­титут­лари вакиллари иштирок этди.

Йиғилишда нодавлат нотижорат ташкилотлари, ОАВ, фуқаролик жамияти институтларининг лойиҳа ва дастурларини давлат томонидан мо­лия­вий қўллаб-қувватлаш масалалари атрофлича муҳокама этилди.

Таъкидландики, истиқлол йилларида мамлакатимизда кучли фуқаролик жамияти асослари шакллантирилди ва изчил ривожлантирилмоқда. Бу борада тизимли ишлар олиб бориляпти.

Жорий йилда Олий Мажлис ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди томонидан давлат ижтимоий буюртмаси тақдим этиш ва давлат грант­лари ажратиш бў­йича олтита танлов ўтказилди. Уларда 970 ННТ, ОАВ ва фуқаролик жамиятининг бошқа институтлари иштирок этди ва 1103 лойиҳа тақдим қилинди. Давлат гранти танловлари натижаларига кўра, муҳим ижти­моий аҳамиятга молик бўлган 214 лойиҳа қўллаб-қувватланди ва уларга 5 миллиард 230 миллион сўм ажратилди.

Шунингдек, Парламент комиссияси аъзолари жамоат фондининг давлат ижтимоий буюрт­маси тақдим этиш ва давлат гранти ажратиш бўйича қўшимча танловларни ташкил этиш тўғрисидаги таклифларни кўриб чиқди. Ушбу таклифлар жойларда ўтказилган семинар-тренингларда шаклланган.

Лойиҳалар доирасида жойлардаги давлат бошқаруви органлари билан ижтимоий шерикликда «Ғояга қарши ғоя: жаҳолатга қарши маърифат билан», «Мен Ватанимни севаман», «Жамиятда менинг ўрним бор» каби мавзуларда туркум тадбирлар ўтказилади.

Йиғилишда ёш авлодни соғлом ва баркамол қилиб тарбиялаш, уларнинг интеллектуал ва ижодий салоҳиятини рўёбга чиқаришга йўналтирилган қўшимча танловни ташкил этиш бўйича қарор қабул қилинди.

 

Гулруҳ ОДАШБОЕВА,

«Ўзбекистон овози» мухбири.



DB query error.
Please try later.