Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
05.09.2016

МУСТАҚИЛЛИК ТЕНГДОШЛАРИ

Яқинда Ўзбекистон ХДП Хоразм вилоят кенгаши ­«Истиқбол» ёшлар қаноти ташаббуси билан «Биз мустақиллик тенгдошимиз!» мавзусида давра суҳбати ташкил этилди.

Тадбир очиқ мулоқот, ўзаро фикр алмашув руҳида ўтди. Дастлаб ЎзХДП Хоразм вилоят кенгаши раиси вазифасини бажарувчи Ғулом Сапаев мамлакатимизда амалга оширилаётган демократик ислоҳотлар, уларнинг мус­тақиллигимизни мустаҳкамлаш, турмуш фаровонлигини оширишдаги аҳамияти ҳақида сўз юритди.

— Юртимизда ёш авлодга кўр­сатилаётган ғамхўрлик уларнинг қизиқиш ва қобилиятларини намоён қилишга замин яратмоқда. Бу жараёнда биз ҳам фаол иштирок этишимиз керак. Йигит-қизларга партиямизнинг сиёсий ғоялари ва дастурий мақсадларини тушунтириш, уларда миллий ғурурни янада юксалтириш муҳим вазифаларимиздан бири. Ёшлар қаноти бу борада ташаббускорликни кучайтириши талаб этилади, — деди у.

Шунингдек, тадбирда «Истиқбол» ёшлар қаноти фаоллари сўзга чиқиб, ўз фикр-мулоҳазаларини билдиришди.

Аброрбек Рўзметов:

— Мустақил фикрлайдиган, замонавий илм-фан ва касб-ҳунарларни пуxта эгаллаган, ўз юрти, ўз xалқига фидойи, ҳар томонлама соғ­лом авлодни ҳеч қачон енгиб бўлмайди. Биз ёшлар ҳар доим ўрганиш, изланишдан тўx­тамаслигимиз, янгиликка интилиб яшашимиз керак. Бунинг учун юртимизда барча имкониятлар яратилган. ­Юртимиз ёшлари қатори мен ҳам Ватанимиз ривожига ҳисса қўшишни мақсад қилганман.

Полвонбек Рўзибоев:

Энг катта бойлик тинчлик ва осойишталикдир. Барчамизга аён халқимиз қачон, қаерда бўлмасин, аввало, тинчлик-омонлик бўлсин, деб дуо қилади. Шундай экан, тинчликнинг қадрига етиб яшаш, осойишталик учун курашиш фарзандлик бурчимиз ҳисобланади. Ҳеч қачон бефарқ ва лоқайд бўлмаслигимиз, ўз уйимизни ўзимиз асрашимиз лозим. Биз ёшлар бирлашиб, қўлни-қўлга бериб, ҳамжиҳатликда давлатимизнинг обрў-эътибори, жаҳон ҳамжамиятидаги ўрнини янада мустаҳкамлашга ҳис­са қўшишимиз керак.

Тадбирда, шунингдек, «Истиқбол» ёшлар қанотининг ташкилий тизимини мустаҳкамлаш, етакчи ёшларнинг сиё­сий-ҳуқуқий билими ҳамда ижтимоий-сиёсий фаоллигини ошириш, партия дастурий мақсад ва вазифаларини тар­ғиб этишда илғор сиёсий технологиялардан ­самарали фойдаланиш масалалари муҳокама этилди.

Расулбек Хўжаев, ЎзХДП Хоразм ви­лоят кенгаши «Истиқбол» ёшлар қаноти фаоли: 

— Аъзоларимиз фаолиятимизни кучайтириш бў­йича қатор таклифларни илгари суришди. Энди уларни ўз ишимизда қўллаб, янада ташаббускор бў­ламиз. Тадбирда етакчи қандай бўлиши керак, бугун пар­тиямизнинг жамиятдаги мав­қеини янада оширишда улардан нималар талаб эти­лади каби саволларга жавоб олдик. Бу ҳақдаги фикрлар келажакда депутат бў­лишни ният қилган биз каби ёшларга ҳар томонлама фойдали бўлди.

 

Алишер ЖУМАНИЁЗОВ,

Ўзбекистон ХДП  Хоразм вилоят кенгаши сектори мудири.



DB query error.
Please try later.