Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
03.09.2016

БЎЛҒУСИ УЧУВЧИЛАР ҚАСАМЁДИ

Жиззах олий ҳарбий авиация билим юртида курсантларнинг ҳарбий қасамёд қабул қилиш маросими бўлиб ўтди.

Ўзбекистон Республикаси Мудофаа вазирлиги, Ҳаво ҳужумидан мудофаа қўшинлари ва Ҳарбий ҳаво кучлари, Жануби-ғарбий махсус ҳарбий округ масъул офицерлари, билим юрти шахсий таркиби ва ота-оналар ҳамда кенг жамоатчилик вакиллари иштирок этган тадбирда Президентимиз раҳнамолигида мамлакатимиз Қуролли Кучларини ислоҳ қилиш, соҳани малакали кадрлар билан таъминлаш борасида амалга оширилган ишлар юксак самаралар бераётгани таъкидланди.

Бу жараёнда ёшларни ҳарбий хизматга тайёрлаш, шу йўналишдаги мактаб, лицей ва бошқа таълим муассасаларининг моддий-техник базасини мустаҳкамлаш, уларда таълим сифати ва самарадорлигини янада оширишга алоҳида эътибор қаратилмоқда.

— Бугун набирам Бургутали ушбу билим юртининг курсанти сифатида Ватанимизга, халқимизга содиқ хизмат қилишга қасамёд қилди, — дейди Андижон вилояти Марҳамат туманидан келган ҳарбий хизмат фахрийси Ҳусанбой Холназаров. — Набирамга ҳарбий учувчи бўлсин, деган яхши ниятда шу исмни қўйгандим. Яратганга шукр, мамлакатимизда яратилаётган шароитлар туфайли бу орзуим ушалди. Эл-юрт тинчлиги ва осо­йишталиги йўлида хизмат қилишдек шарафли касб соҳибининг бобоси эканимдан фахрланаман.

Ҳарбий қасамёд қабул қилиш маросимидан сўнг давлат ва жамоат ташкилотлари вакиллари, билим юрти офицер ва ўқитувчилари, ота-оналар курсантларни табриклаб, ёшларга жанговар касб сирларини пухта эгаллашида муваффақият тилади.

 

Т.БЕКНАЗАРОВ,

ЎзА мухбири.



DB query error.
Please try later.