Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
03.09.2016

ҚУЙИ БЎҒИН ЕТАКЧИСИ

билимли, ташкилотчи ва албатта фидойи бўлиши керак

Бугунги кунда Ўзбекистон ХДП Хоразм вилоят Кенгашида 720 бошланғич партия ташкилоти фаолият олиб бормоқда. Партия сафидаги жами аъзолар 32455 нафар бўлиб, шундан 14512 нафарини хотин-қизлар ва 7983 нафарини ёшлар ташкил этади.

Ушбу кўрсаткичларни ўтган йилнинг шу даври билан солиштирсак, сафимиз қўпроқ ёшлар ҳисобидан кенгайиб бораётганига гувоҳ бўламиз. Бунда партиямизнинг «Ёш сиёсатчи» ва «Ўзбекистон ХДПнинг энг фаол аёли» кўрик-танловларининг аҳамияти юқори бўлмоқда. Чунки мазкур тадбирларнинг дастлабки босқичлари қуйи бўғиндан бошланади.

Шунингдек, бошланғич пар­тия ташкилотлари фаолиятини кучайтиришга қаратилган сиёсий ўқувлар ҳам мунтазам равишда ўтказиб келинмоқда. Жумладан, жорий йилнинг биринчи ярмида 186 ўқув ўтказилиб, уларда 5740 нафардан зиёд етакчи ва фаоллар ўз билимини оширди. Ушбу ўқувлар партиянинг дастурий мақсадларини тарғиб қилишда етакчиларининг сиёсий фаоллигини ошириб, ислоҳотларга муносиб баҳо бериш қобилиятини ривожлантирмоқда.

Шу ўринда айтиш мумкинки, бошланғич ташкилот етакчиларига кенг имконият берилган. Улар бевосита депутатлар билан ҳамкорликда асосий эътиборни ҳудудларда ечимини кутаётган масалаларга қаратиши лозим.

Бошланғич ташкилотлар билан ишлашни яхшилаш мақсадида замонавий ахборот технологиялари, яъни интернетдан самарали фойдаланишга ҳаракат қиляпмиз. Бу борада бошлан­ғич ташкилотлар учун яратилган махсус сайтни такомиллаштириш ишлари олиб борилмоқда. Унда ҳар бир қуйи бўғин, уларнинг аъзолари ҳақидаги маълумот суратлари билан бирга жойлаштирилади. Шу билан бирга, партияга аъзо бўлишни истаганлар интернет орқали саволларига жавоб олиши, мурожаатларни амалга ошириши мумкин бўлади. Бу тизим фаолия­тимизда ўзига хос қулайликлар яратишига ишонаман.

Ҳеч ким бошланғич партия ташкилотига шунчаки келиб-кетиши керак эмас. Шунинг учун қуйи ташкилотлар хонасида сиёсий адабиётлардан лав­ҳалар ташкил этганмиз. Барча ўтказилаётган тадбир, сиёсий ўқув, фуқаролардан тушаётган мурожаат баённомасини йиғиб борамиз. Бу ишларга фаол ёшлар, хотин-қизлар жалб қилинади. Аҳолининг сиё­сий-ҳуқуқий саводхонлигини ошириш, уларни ўйлантираётган масалаларни чуқурроқ ўрганишда ишимизга бўлган муносабат муҳим ўрин тутади. Ўйлайманки, бошланғич ташкилот хонасида аъзолар ҳақидаги маълумот, партиямиз ғоя ва мақсадларини акс эттирувчи лав­ҳалар бўлса, одамларнинг эътиборини тортади, ишончини оширади.

Ойнинг ҳар пайшанбасида фуқаролар мурожаатларини қабул қиламиз ва депутатлар билан бирга уларни ҳал этиб борамиз. Охирги пайшанбада эса сиёсий ўқув ташкил этилади. Унда қонунчилигимизга оид ўзгаришлар, сиёсий партия ва унинг аъзолари зиммасига юклатилган вазифалар тушунтирилади.

Ҳар ойда туманлардаги бошланғич ташкилотларнинг иккитаси тарғибот-ташвиқот воситалари билан таъминлаб борилмоқда. Бу ишлар бош­лан­ғич ташкилотлар фаолиятини кучайтиришга хизмат қилмоқда.

Шу ўринда алоҳида таъкидлаш керакки, қуйи бўғин фао­лияти қандай бўлиши етакчининг билими, ташкилотчилиги ва албатта фидойи­лигига боғлиқ. Бизнинг вазифамиз эса уларни ҳар томонлама қўллаб-қувватлаш, амалий ёрдам кўрсатишдан иборат.

 

Жасурбек РЎЗИМОВ,

ЎзХДП Хоразм вилоят Кенгаши бошланғич партия ташкилотлар билан ишлаш сектори мудири.



DB query error.
Please try later.