Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
01.09.2016

БИР ҚИШЛОҚКИ,

чиройига ҳавас қиласиз

Истиқлол йилларида бунёдкорлик руҳи бутун мамлакатимизни қамраб олди. Пойтахтимиз Тошкент шаҳридан тортиб, энг чекка туманларгача турли иншоотлар, турар-жойлар қурилиши жадал олиб борилмоқда.

Самарқанд вилоятининг Тайлоқ туманида ҳам кенг кўламдаги қурилиш ва ободонлаштириш ишлари амалга оширилмоқда. Биргина жорий йилда мустақиллик байрамига қадар 25,6 километр узунликдаги 25 кўчани созлаш, 655 турар-жой, 139 та турли иморатларни таъмирлаш, коммуникация тармоқларини янгилаш мўл­жалланган эди. Ушбу ишлар ўз вақтида тугалланди.

«Чўбот» қишлоғи Тайлоқнинг энг чекка ҳудуди ҳисобланади, туман марказидан 30 километр узоқда жойлашган. Ушбу қишлоқдаги Ўрай-Элипок маҳалласининг қиёфаси кейинги йилларда тубдан ўзгарди. «Самарқанд — Жартепа» йўлидан маҳаллага кириб борувчи 2,5 километрлик кўча туман йўл қурилиш корхонаси томонидан капитал таъмирланди.

Энг улуғ, энг азиз байрамимиз арафасида эса ўнлаб янги бино ва иншоотлар фойдаланишга топширилмоқда. Маҳалла маркази, болалар боғчаси, ўйингоҳи, спорт мажмуаси, ҳаммом, ошхона, тикувчилик цехи, сартарошхона, дорихона, минимаркет ва яхна ичимликлар сотадиган шохобчалар ишга туширилди.

— Биргина шу маҳалланинг ўзида 15 иншоот бунёд этилди, — дейди туман ҳокими Пўлат Аҳмедов. — Ҳадемай, 200 метр чуқурликдаги тоза ичимлик сувини тортиб оладиган замонавий қудуқ ҳам ишга тушади. Нима иш қилинаётган бўлса, ҳаммаси одамлар ҳаётини фаровонлаштиришга қаратилган.

Яқиндагина фаолиятини бошлаган тикувчилик цехида 10 нафар хотин-қиз меҳнат қилмоқда. Шундан 5 нафари коллеж битирувчиси, яна 5 нафари маҳалла аёллари бўлиб, аҳоли буюртмасига асосан парда ҳамда турли кийим-кечаклар тикмоқда.

— Бир умр шу қишлоқда яшаб, бу йилгидек қурилиш бўлганини кўрмаганман, — дейди фахрий ўқи­тувчи Абдусаттор Бобоёров. — Инсоннинг қўлигул, деб бекорга айтишмайди. Қисқа муддатда маҳалламиз қиёфаси бутунлай ўзгарди.

Дарҳақиқат, замонавий турар-жойлар, турли маданий, маъмурий бинолар, болалар майдончалари қурилди. Улар атрофига ўн турдаги ўн минг туп гул, 400 дан зиёд арча, Қрим қарағайи, каштан каби манзарали дарахт кўчатлари экилди.

Энг муҳими, ушбу бунёдкорлик ва ободончилик ишлари тайлоқликларнинг меҳнати ва шижоати туфайли амалга ошмоқда.

 

Абдурасул САТТОРОВ,

«Ўзбекистон овози» мухбири.



DB query error.
Please try later.