Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2017   
Du Se Cho Pa Ju Sha Ya
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
30.08.2016

ЁШЛАРГА ОИД ДАВЛАТ СИЁСАТИ

тўғрисидаги қонун Сенат томонидан маъқулланди

Жорий йилнинг 24-25 август кунлари Олий Мажлис Сенатининг олтинчи ялпи мажлиси бўлиб ўтди. Унда мамлакатимиз сиёсий ва ижтимоий-иқтисодий ҳаётининг барча соҳаларини ислоҳ қилиш ҳамда эркинлаштиришга қаратилган 6 қонун кўриб чиқилиб, маъқулланди. Сенаторлар дастлаб «Ёшларга оид давлат сиёсати тўғрисида»ги Қонунни муҳокама қилишди.

Ушбу қонун истиқлолимизнинг 25 йиллиги тантаналари арафасида қабул қилинди. Бунда ўзига хос чуқур рамзий маъно бор. Зеро, ёшларга эътибор мамлакат келажагини ҳал қилувчи муҳим омиллардан бири ҳисобланади.

Мустақиллик йилларида жисмоний ва маънавий баркамол авлодни тарбия­лаш, ёшларимизнинг замонавий билим ҳамда касб соҳиби бўлиши, жамиятимиз ҳаётида муносиб ўрин эгаллаши учун қулай шароит яратилди. Бугун дунё бўйича миллионлаб болалар таълим олиш имкониятига эга бўлмаган бир пайтда мамлакатимизда болалар тўлиқ умумий ўрта таълимга жалб этиляпти, мактабларни битираётган ёшлар академик лицей, касб-ҳунар коллежларига тўлиқ қамраб олинмоқда. Буларнинг ҳаммаси навқирон авлод учун, уларнинг келажаги учун, мамлакатнинг эртанги куни учун қилинмоқда.

Ўтган йиллар давомида «Таълим тўғрисида»ги, «Кадрлар тайёрлаш миллий дастури тўғрисида»ги, «Бола ҳуқуқларининг кафолатлари тўғрисида»ги, «Вояга етмаганлар ўртасида назоратсизлик ва ҳуқуқбузарликларнинг профилактикаси тўғрисида»ги қонунларнинг қабул қилиниши ёшлар билим олиши, ҳаётда муносиб ўрин эгаллаши учун кенг йўл очди. Қувонарлиси, бу борадаги амалий, айтиш мумкинки, тарихий ишлар бугун ҳам изчиллик билан давом этмоқда. Келажагимиз эгаларининг ҳуқуқ ва манфаатларини ҳимоя қилиш масаласига давлат сиёсати даражасида эътибор қаратилмоқда.

— Юртимизда соғлом ва баркамол авлодни вояга етказишдек эзгу мақсад йўлида амалга оширилаётган ислоҳотлар самарасини фарзандларимиз камолида, эришаётган ютуқлари­да кў­риб турибмиз, — деди Олий Мажлис Қонунчилик палатаси депутати, ЎзХДП фракцияси аъзоси ­Шуҳрат Турсунбоев. — Аммо бугунги шиддатли замон, ҳаётнинг ўзи ёш авлод тарбиясида олдимизга янги, ўта муҳим ва долзарб вазифаларни қўймоқда. Мустақилликка эришган йилимиз, яъни 1991 йил 20 ноябрда «Ўзбекистон Республикасида ёшларга оид давлат сиё­сатининг асослари тўғрисида»ги Қонун қабул қилинган эди. Орадан шунча йил ўтиб, соҳанинг ҳуқуқий асосларини янада мустаҳкамлашга эҳтиёж сезилди. Шунга мувофиқ, «Ёшларга оид давлат сиёсати тўғрисида»ги қонун ишлаб чиқилди.

Унда ёшларнинг ҳуқуқ ва манфаатлари кафолатлари янада мус­таҳкамланди. Бу борада давлат сиёсатини амалга оширувчи органлар ва муассасалар вазифалари, ваколатлари, шунингдек, уларнинг бу соҳадаги жавобгарлиги аниқ белгилаб берилди.

— Мамлакатимиз аҳолисининг қарийб 60 фоизини ёшлар ташкил этади. Уларни ҳар томонлама қўллаб-қувватлаш энг муҳим вазифадир, — дейди Олий Мажлис Қонунчилик палатаси депутати, ЎзХДП фракцияси аъзоси Саттор Раҳматов. — Ёшларга оид давлат сиёсати тўғрисида қонун қабул қилиниши бу борадаги ишларни янги босқичга кўтаришда муҳим ўрин тутади.

Партиямиз дастурий мақсадларидан келиб чиқиб таъкидлаш керакки, қонунда ёшларни ижтимоий ҳимоя қилиш масалаларига алоҳида эътибор қаратилган. Унга кўра, уй-жой қуриш, сотиб олиш ва таъмирлаш, таълим муассасаларида ўқиш учун ёшларга имтиёзли кредитлар бериш, ўрта махсус, касб-ҳунар ёки олий таълим муассасасини битирганидан ке­йин уларнинг бандлигини таъминлаш кафолатланади. Шунингдек, қонунда меҳнат соҳасида ёшларга имтиёзлар бериш ва ишни таълим билан қўшиб олиб бориш учун шарт-шароитлар яратиш бўйича нормалар белгиланган. Етим болалар ва ота-она қарамоғидан маҳрум бўлган болаларни уй-жой билан таъминлаш бўйича муҳим меъёрлар акс этган.

— Қонунга кўра, ёшлар (ёш фуқаролар) деганда, 14 ёшга тўлган ва 30 ёшдан ошмаган шахслар назарда тутилади. Шунингдек, ёш оила деганда, 30 ёшдан ошмаган эр-хотиндан ёхуд фарзанд (бола) парваришлаётган ота ёки онадан иборат бўлган оила, шу жумладан, ёлғиз, бева эр (хотин) тушунилади, — дейди Олий Мажлис Сенати аъзоси, халқ депутатлари Тошкент вилоят Кенгаши­даги ЎзХДП гуруҳи аъзоси ­Мақсуда Ворисова. — Яна бир масала. Қонунда ёшларга оид давлат сиёсатини рўёбга чиқаришда жамоат ташкилотлари, энг аввало, ёшлар ташкилотларининг, фуқаролар ўзини ўзи бошқ­ариш органлари ва оммавий ахборот воситаларининг роли ҳамда ўрнини кучайтириш масалалари алоҳида эътиборга олинган. Давлат дастурлари ва бошқа дас­турларни ишлаб чиқиш, баркамол авлодни тарбиялашга доир тадбирларни уюштириш ҳамда ўтказишда фуқаролик жамияти институтлари иштирокининг кафолатлари белгилаб берилди.

Атрофга назар ташласак, тинч, фарзандларига меҳрибон юртда ўқиб, билим олаётган, меҳнат қилаётган ёшлар ўзини бахтиёр сезаётганини кўриш, улар кўнглидан ўтказаётган туйғуларни англаш қийин эмас. Бундай йигит-қизлар юксак натижаларга эришади, дун­ёнинг етук ва ривожланган давлатлари сафидан мустаҳкам ўрин эгаллашимизга муносиб ҳисса қў­шади.

 

Лазиза ШЕРОВА,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: