Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
27.08.2016

МУРОЖААТ ЭЪТИБОРСИЗ ҚОЛМАЙДИ

Ўзбекистон ХДП Хоразм вилоят, шаҳар ва туман кенгашлари қошида фаолият юритаётган Жамоатчилик қабулхоналари электорат мурожаатларини ўрганиш ва уларга ечим топишда муҳим ўрин тутмоқда.

Жамоатчилик қабулхоналарига шу йилнинг ўтган даври давомида фуқаролар томонидан 248 мурожаат тушди. Шундан 80 фоизи ижобий ҳал қилинди. Хусусан, 44 нафар фуқаро иш билан таъминлашда кўмак сўраб мурожаат қилган бўлса, уларнинг ҳозиргача 36 нафари ишга жойлашган. 8 нафарининг бандлигини таъминлаш бўйича иш олиб борилмоқда. 10 нафардан ортиқ фуқарога эса ўз ишини бошлаши учун имтиёзли кредит олишда ёрдам берилди.

Бугун ким мурожаат қилар экан, деб кутиб ўтирмасдан, одамлар орасига кириб бориш электорат манфаатларини ҳимоя қилишнинг энг самарали йўлидир. Шунинг учун жорий йилнинг ўтган даврида 13 марта кўчма Жамоатчилик қабулхонаси ташкил қилинди. Уларга фуқаролар томонидан 105 мурожаат бўлди.

Қабулхоналарга тушган мурожаатлар бўйича тегишли ташкилотларга 100 дан ортиқ депутатлик сўрови юборилиб, аксарияти ижобий ҳал қилинди. Жумладан, депутат сўрови асосида Урганч туманидаги «Чоткўпир» қишлоғида сув қувурлари ётқизиляпти.

Банк пластик карточкалари орқали тўловни амалга оширишдаги муаммолар тўғрисида бўлаётган мурожаатлар ечимига ҳам алоҳида эътибор қаратилди. Ушбу масала юзасидан тушган мурожаатлар асосида халқ депутатлари Урганч туман Кенгашидаги пар­тиямиз гуруҳи терминал тармоғи ва онлайн тўловлар тизимини янада кенгайтириш тўғрисидаги масалани атрофлича муҳокама қилди. Шунинг учун мазкур масала Урганч туман Кенгаши сессиясига олиб чиқилди ва тегишли қарор қабул қилинишига эришилди.

Айтиш керакки, Жамоатчилик қабулхоналарига тушаётган мурожаатларнинг аксарияти моддий ёрдам, иш билан таъминлаш, коммунал соҳа, ички йўлларни таъмирлаш масалалари билан боғлиқ бўлмоқда.

Ҳар ойда икки туманда Меҳнат бош бошқармаси, «Маҳалла» хайрия жамоат фонди вилоят бўлими, «Микрокредитбанк» ОАТБ, Бюджетдан ташқари пенсия жамғармаси бошқармаси, давлат солиқ бошқармаси ҳамкорлигида «Кучли ижтимоий сиёсат — халқ фаровонлиги ва жамият ижтимоий барқарорлигининг муҳим омили» мавзусида давра суҳбатлари ўтказилмоқда. Шу тариқа вақтинча ишсиз электорат вакилларига ҳуқуқий маслаҳат ва амалий кўмак бериляпти.

Жамоатчилик қабулхоналари фаолиятини такомиллаштириш учун мурожаатларни электрон шаклда ҳам қабул қилишни йўлга қўйиш, бу борада тарғибот ишларини янада кучайтиришимиз зарур, деб ўйлайман. Чунки қанча кўп одам Жамоатчилик қабулхонаси ҳақида билса, муаммоларни ҳал қилишда ёрдам беришимизга ишонса, партиямизнинг нафақат обрўси, балки таъсир кучи ҳам ошиб боради. Яқин кунларда вилоят кенгашининг сайтида онлайн қабул йўлга қўйилади.

 

Нодира ОДАМБОЕВА,

ЎзХДП Хоразм вилоят кенгаши бўлим мудири.



DB query error.
Please try later.