Охирги сонда



Кўп ўқилган мақолалар



Долзарб мавзу



Мақолалар архиви

«    Avgust 2018   
Du Se Cho Pa Ju Sha Ya
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
18.08.2016

СИЁСИЙ ЎҚУВЛАР

фикрлар хилма-хиллиги асосида ўтсин

Аҳолининг ҳуқуқий билимини ошириш, уларни сиёсий куч атрофида бирлаштириш, шу орқали ижтимоий-сиёсий фаоллигини ошириш партия ташкилотлари олдидаги долзарб вазифалардан бири саналади.

Бу борада ЎзХДП томонидан сиёсий ва фуқаролик маърифати тизимида ташкил этилаётган тадбирларнинг аҳамияти катта бўлмоқда. Тарғиботчилар ҳамда экспертлар гуруҳи, депутатлар ва сиёсатшунослар иштирокида ўтказилаётган давра суҳбатларида демократик ислоҳотларни янада чуқурлаштириш, аҳоли турмуш фаровонлигини ошириш масалалари атрофлича муҳокама этиляпти.

Хўш, сиёсий ўқувлар самарадорлигини ошириш учун нималарга эътибор қаратиш, қандай усуллардан фойдаланиш зарур?

 

Иноят ҲОШИМОВА, ЎзХДП Андижон вилоят кенгаши раиси ўринбосари:

— Дунёда ғоявий таҳдид ва ахборот хуружлари кучайиб, одамлар онги ҳамда қалбини эгаллаш йўлидаги кураш тобора кескинлашиб бораётган бугунги кунда аҳоли орасида тарғибот-ташвиқот ишларини самарали олиб боришни ҳаётнинг ўзи талаб қилмоқда. Шу жиҳатдан олиб қарасак, сиёсий ўқувлар таъсирчанлигини оширишга алоҳида эътибор қаратишимиз керак бўлади.

Партия ташкилотлари семинар ва машғулотларда замонавий услуб, воситалардан фойдаланиши жуда муҳимдир. Масалан, мулоқот, баҳс-мунозара, тренинг, давра суҳбати ва бошқа ноанъанавий усуллар машғулотларнинг қизиқарли ҳамда жонли ўтишига, тингловчиларнинг мавзу муҳокамасида фаол қатнашишига, фикрлар хилма-хиллигига хизмат қилади. Машғулотлар юқори савияда ва қизиқарли ўтиши учун расмий маърузалардан қочиш, иштирокчиларни гуруҳларга ажратган ҳолда мавзу муҳокамаси ва таклифларга кенг ўрин бериш зарур. Шундай қилсак, ҳар бир қатнашчи тадбирларда фаол иштирок этишга интилади, зарур хулосалар чиқаришга ҳаракат қилади. Ўз-ўзидан бу жараён орқали қатнашчиларда фаоллик ва фикр билдириш кўникмаси шаклланади, мавзуни чуқурроқ ўзлаштириш имкони кенгаяди.

 

Оллоберган МАҲМУДОВ, Халқ депутатлари Урганч туман Кенгашидаги ЎзХДП гуруҳи аъзоси:

— Ҳар бир сиёсий партия жамиятда мустаҳкам ўрин топиш, одамлар ишончини қозониш учун ҳаракат қилади. Бу жараёнда партия аъзоларининг сиёсий-ҳуқуқий онги, тафаккурини юксалтириш, ижтимоий-сиёсий жараёнлардаги иштирокини кучайтириш муҳим аҳамиятга эга.

Партиямиз ғояларини одамлар орасида тушунтириш учун тадбирларимизни замонавий усулларда олиб боришимиз керак. Афсуски, айрим тадбирлар муайян тайёргарликсиз ўтказилади. Етарлича одамни тўплаб, бир-икки маърузачини таклиф қилсак, тадбир ўтади, деган қараш бугунги кунга мутлақо тўғри келмайди. Олдиндан пухта тайёргарлик кўрилсагина, ҳар бир ўқув партия электоратининг ижтимоий-сиёсий билими ва фаоллиги ошишига хизмат қилади.

Масалан, тадбирларда партиямиз Сайловолди дастури қай даражада амалга оширилаётгани, депутатларимиз ва партия ташкилотларининг фаолияти ҳақида кўпроқ кўргазмали воситалар, мультимедиа маҳсулотлари орқали тушунча беришимиз лозим. Шу орқали жамиятда партия қандай амалий ишлар билан шуғулланаётгани, эришаётган натижалари ҳақида янада кенгроқ тасаввур пайдо бўлади. Агар мазкур йўналишларда ишни тўғри ташкил этсак, бу ўз-ўзидан аъзоларимизнинг фаоллигига, сиёсий-ўқувлар савиясига, тарғибот-ташвиқот ишлари таъсирчанлигига ижобий таъсир кўрсатади.

Шунингдек, машғулотларни аудиториянинг ўзига хос хусусияти, яъни тинг­ловчининг касб-кори, қизиқишини ҳар томонлама ҳисобга олган ҳолда ташкил этиш муҳим аҳамиятга эга. Тадбир бошланмасдан олдин ҳар бир иштирокчига мавзу юзасидан услубий қўлланмалар тарқатилса, улар муҳокамага қўйилган мавзу юзасидан кўпроқ маълумотга эга бўлади ва ўз фикрини дадил айта олади.

 

Гулруҳбегим САЙФИДДИН қизи ёзиб олди.



DB query error.
Please try later.