Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
11.08.2016

БОКСЧИЛАРИМИЗНИНГ ЗАФАРЛИ ОДИМИ

Шу кунларда ­Рио-де-Жанейро (Бразилия)­да XXXI ёзги Олимпия ўйинлари қизғин давом этмоқда.

Мусобақа дастуридан жой олган бокс баҳсларида ҳамюртларимиз муносиб иштирок этишмоқда. Жумладан, Ҳасанбой Дўсматов (49 кг) мексикалик Жозелито Валасуезни енгиб, кейинги босқичга йўлланма олди. Кеча у ярим финал йўлланмаси учун қозоғистонлик Биржан Жакиповга қарши рингга кўтарилди.

Яна бир вакилимиз Рустам Тўлаганов (91 кг) эса эквадорлик Жулио Сезар Кастиллони мағлубиятга учратди. Ҳамюртимиз чорак финалда озарбайжонлик Абдуқодир Абдуллаевни мағлубиятга учратиб, ярим финалга йўлланма олди ва бронза медалини нақд қилиб қўйди.

Иқтидорли боксчимиз Фазлиддин Ғойибназаров (64 кг) 1/16 финалда конголик Дивал Жаламоу Малонгога қарши рингга кўтарилди.

Хуршид Тожибоев эса (60 кг) мухлисларни қувонтиришда давом этмоқда. У дастлабки бос­қичда қатарлик боксчидан устун келганлигини хабар қилгандик. Хуршид иккинчи жангини Буюк британиялик Жозеф Кординага қарши ўтказиб, муваффақият қозонди ва чорак финалга йўлланмани қўлга киритди.

Дзюдо баҳсларининг даст­лабки икки кунида Диёрбек Ўрозбоев (60 кг) ҳамда Ришод Собиров (66 кг)лар Рио-де-Жанейро олимпиадаси бронза медалига сазовор бўлишганидан хабарингиз бор. Афсуски, мусоба­қанинг навбатдаги учрашувларида дзюдочиларимиз Мирали ­Шарипов (73 кг) ва Шаҳзодбек ­Собиров (81 кг)лардан омад юз ўгирди.

Кеча яна икки дзюдочимиз Шерали Жўраев (90 кг) ва ­Дилноза Матниёзова (70 кг) медаллар учун майдонга чиқди. Афсуски, беллашувларда улардан омад юз ўгирди.

Оғир атлетика баҳсларида ҳам спортчиларимиз ўз чиқишларини бошладилар. Жумладан, даст­лабки кунги мусобақада ­Достонбек Ёқубов (69 кг) ўз омадини синаб кўрди. Гарчи, у иккикураш якунига кўра, 313 кг оғирликни ўзига бўйсундириб, баҳсларни кучли олтиликда якунлаган бўлса-да, мутахассисларда илиқ таассурот қолдирди. Шунингдек, мураббийлар олимпиадада оғир атлетикачиларимиз — жаҳон чемпиони Руслан Нурудинов, Рустам Жангабоев, Иван ­Ефремов, Сардор Дўсмуродовларга ишонч билдиришган.

 

Эркин ХОЛБОБО,

«Ўзбекистон овози» мухбири.



DB query error.
Please try later.