Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
06.08.2016

БОКСЧИЛАРИМИЗ БИРИНЧИ БЎЛИБ МАЙДОНГА ТУШАДИ

Кеча Бразилиянинг Рио-де-Жанейро шаҳрида XXXI ёзги Олимпия ўйинларининг тантанали очилиш маросими бўлиб ўтди

Сайёрамизнинг мил­л­иард­лаб спорт мухлислари орзиқиб кутган ҳаяжонли тантаналар етти иқлимга маълуму машҳур бўлган «Маракана» стадионида ўтказилди. Олимпиаданинг тантанали очилиш маросимини саксон мингдан ортиқ томошабин бевосита стадионнинг ўзида кузатиш бахтига муяссар бўлди.

Ер куррасининг ушбу нуфузли мусобақасида 207 мамлакатдан 10500 дан зиёд спортчи ғолиблик учун майдонга тушмоқда. Унда қатнашчилар спортнинг 33 тури бўйича 306 комплект медаллар учун кураш олиб боришади.

XXXI ёзги Олимпия ўйинларида Ватанимиз шарафини жами 70 нафар спортчи, жумладан, 23 нафар хотин-қиз ҳимоя қилмоқда.

— Мамлакатимиз боксчилари биринчилардан бўлиб Бразилияга етиб келишганди, — дейди бокс бўйича Ўзбекистон терма жа­моаси бош мураббийи, ­Сидней олимпиадаси бронза медали сов­риндори ­Рустам Саидов. — Режага кўра, охирги икки ҳафталик ўқув-машғулот йиғини Сан-Паулу штатида уюштирилди. Эркаклар ўртасидаги мусобақаларда терма жамоамиз тўлиқ — ўнта вазн тоифасида медаллар учун курашса, аёллар ўртасида илк маротаба Ёдгорой Мирзаева (51 кг) Ўзбекистон номидан рингга чиқади. Халқимиз «чарм қўлқоп» усталаримизга катта ишонч билан қарашмоқда. Бетакрор ва эртакларга монанд тарзда уюштирилган тантанали очилиш маросимида Ватанимиз байроғини истеъдодли бокс­чимиз Баҳодир Жалолов (+91 кг) майдонга олиб чиқди.

Боксчиларимизнинг барчаси мамлакатимиз мус­тақил­лигининг йигирма беш йиллик тўйига муносиб сов­ға тайёрлашни, юртимизга ёруғ юз билан қайтишни мақсад қилган.

Ёзги Олимпия ўйинлари дас­турига кўра, юртимиз «чарм қўлқоп» усталари биринчи бўлиб баҳсларга киришади. Қуръага мувофиқ, мусобақанинг дастлабки бос­қичида Фазлиддин ­Ғо­йибназаров (64 кг) конголик Дивал Жаламоу Малонго, Шаҳрам Ғиёсов (69 кг) испаниялик Юба Ндьяе Сиссоко, Рустам Тўлаганов (91 кг) эквадорлик Хулио Сезар ­Кастильога қарши жанг ўтказади.

Шунингдек, хотин-қизлар ўртасида Ёдгорой Мирзаева (51 кг) канадалик Мэнди Буйолдга қарши рингга кўтарилади. Мусобақада AIBAнинг янги йўналиши бўйича юртимиз шарафини ҳимоя қилаётган Хуршид Тожибоев (60 кг) эса қатарлик Хакан Эрескер билан жанг олиб боради. Ҳасанбой Дўсматов (49 кг) ҳамда Элшод Расулов (81 кг)лар эса баҳсларни 1/8 финал босқичидан бошлайдиган бўлишди.

Рио-де-Жанейро олимпиадаси теннис мусобақаларида мамлакатимизнинг биринчи ракеткаси Денис Истомин ҳам иштирок этмоқда. Қуръага кўра, ҳамюртимиз дастлабки давра учрашувида ҳозирда дунё теннис таснифида 12-поғонани эгаллаб турган испаниялик Давид Феррерга қарши кортга тушади.

Маълумот ўрнида айтиш керакки, XXXI ёзги Олимпия ўйинлари дастуридан жой олган футбол учрашувлари 3 август куни старт олди. Даст­лабки турда бир қатор кутилмаган натижалар қайд этилди: Ироқ — Дания — 0:0, Гондурас — Жазоир — 3:2, Бразилия — Жанубий Африка Республикаси — 0:0, Мексика — Германия — 2:2, Португалия — Аргентина — 2:0, Швеция — Колумбия — 2:2, Фижи — Жанубий Корея — 0:8, Нигерия — Япония — 5:4.

 

Эркин ХОЛБОБО,

«Ўзбекистон овози» мухбири.



DB query error.
Please try later.